АЙМАҚ

СПОРТ

ҚОҒАМ

Құттықтаулар

Тег: ‘Тұрарбек Ақмурзин’


Өңір басшысының Көктерек ауылына сапары

Күні: , 154 рет оқылды

12647093_1548952902082954_1343808176761857014_nБүгін ауданы әкімі Нұрлан Бекқайырдың аудан тұрғындары алдындағы есеп беруінен кейін облыс әкімі Нұрлан Ноғаев Көктерек ауылында болды. Өңір басшысымен бірге облыстық мәслихат хатшысы Мәлік Құлшар, облыстық әкімі аппаратының басшысы Марат Тоқжанов және облыстың бірқатар мекеме басшылары болды. Көктерек ауылындағы орта мектеп жанындағы интернат былтырғы жылы 64 млн 972 мыңға күрделі жөндеуден өткен еді. Облыс әкімі Нұрлан Асқарұлы күрделі жөндеуден өткен 30 орындық мектеп интернаттын аралап, оқушы балалармен жүздесті. Бүгінде бұл интернатта тұрып жатқан оуқышылар өздерінің алғыстарын жеткізді. Сонымен қатар өңір басшысы Нұрлан Ноғаев Көктерек тарихи-өлкетану музейінде болды. Мұндағы жәдігерлермен танысқан Нұрлан Асқарұлы өзінің қолтаңбасын қалдырды. Тұрарбек АҚМУРЗИН

«Болашаққа қаржы саламыз» акциясы жалғасын таппақ

Күні: , 165 рет оқылды

12631330_1545847682393476_3084403985902999826_n26 қаңтар күні Жалпақтал ауылдық округінің әкімі Самиғолла Ақмурзин Жалпақтал колледжінің студенті Әлихан Сахиповты, К.Меңдәлиев атындағы орта мектептің оқушысы Мұрат Бажекеновты қабылдады. Бұл қабылдауға аудандық ішкі саясат бөлімінің бас маманы Ғалия Ахметова, аудандық мәслихат депутаттары қатысты. Өткен жылы «Нұр Отан» партиясы «Бақыты балалық» жобасы аясында «Болашаққа қаржы саламыз!» акциясы басталған болатын. Осыған орай аталмыш акция саяси ұйымның барлық филиалдарында жалғасын тауып, жетім және ата-анасының қамқорлығынсыз қалған балаларға арналған арнайы есепшоттар ашылып, салымдар салынды. Ауыл әкімінің қабылдауында аудандық мәслихат депутаттары Мағауия Есмағұлов, Дулат Ихсанов екі балаға есеп шот ашып, Мемлекеттік білім берудің жинақтау жүйесі бойынша ақшалай салым иегерлері — жетім және ата-аналарының қамқорлығынсыз қалған Әлихан мен Мұратқа сертификаттарды табыс етті. «Бақытты балалық» партиялық жоба аясындағы шараның негізгі мақсаты — екінші дәрежедегі банктерге ақшалай қаржы жинақтау жолымен балалардың жоғары білім алуына ықпал ету. -«Елбасы, Партия Төрағасы Нұрсұлтан Назарбаев «Білімге салынған инвестиция — болашаққа салынған қаржы» — деп атап өтті. Бұл білімге салынған инвестицияның араға жылдар салып еселеп қайтатынын меңзеп, ұрпақтың білімі мен ой-санасының ұшқыр болуы жолында ештеңе аямайтын елдің еңсесі биік екенін дәлелдейді», — дейді аудандық мәслихат депутаттары. Осындай қолдау білдіріп, көмек қолын созған ел ағаларына Әлихан Сахипов пен Мұрат Бажекенов өз алғыстарын білдірді. Тұрарбек ҚАЙЫРҒАЛИҰЛЫ

Мүмкіндігі шектеулі жандар мен жағдайы төмен отбасылар – басты назарда

Күні: , 218 рет оқылды

12650810_1547129215598656_7660551610769230802_nЕлбасы Н.Ә.Назарбаев «Қазақстан-2050» стратегиясы қалыптасқан мемлекеттің жаңа саяси бағыты»-атты Жолдауында: «Мемлекет қоғамның әлеуметтік жағдайы төмен топтарына – зейнеткерлерге, еңбекке жарамсыздарға, науқас балаларға және тағы басқа атаулы көмек үшін толық жауапкершілік алатын болады» — деп атап көрсеткен болатын. Осы бағытта Жалпақтал ауылында мүмкіндігі шектеулі жандар мен жағдайы төмен отбасыларға көмек көрсетіліп келеді. Дана халқымыз «Қайырымдылық жасасаң, қайырымын өзің көресің» деген екен. Қайырымды іс жасау, мейірімділік таныту, мұқтаж жандарға қол ұшын созу – әрбір адамның азаматтық борышы. Осы орайда 29 қаңтар күні Жалпақтал ауылында «Қайырымдылық акциясы» оздырылды. Бұл шараға Жалпақтал ауылдық округінің аналар кеңесінің төрайымы Нұрлы Химиденова, Жалпақтал ауылдық округі әкімінің мамандары Айдана Серікқызы, Ерболат Сатыбалдиев, аудандық жұмыспен қамту және әлеуметтік бағдарламалар бөлімінің әлеуметтік жұмыс жөніндегі кеңесшісі Мира Амангелдіқызы, Жалпақтал аудандық ауруханасының медбикелері Райгүл Сәрсенғалиева, Қарлығаш Сапарова, Рабиға Жұмаева ауылымыздағы мүмкіндігі шектеулі және жағдайы төмен 11 отбасылардың шаңырағында болды. -Осындай қайырымдылық шараларды ұйымдастырып тұру кезек күттірмейтін мәселелердің бірі. Олардың қал-жағдайларымен танысып, қолымыздан келгенше көмек көрсету,-дейді Жалпақтал ауылдық аналар кеңесінің төрайымы. Мүмкіндігі шектеулі жандар мен жағдайы төмен отбасылар шешімін таппай жүрген мәселелерін айтып, оларға медициналық көмек көрсетілді. Тұрарбек АҚМУРЗИН

МЕМЛЕКЕТТІК ИНСПЕКТОР ІССАПАРМЕН АУДАНЫМЫЗДА

Күні: , 196 рет оқылды

12195981_1684148998523515_8222316021140374289_n4 қараша күні ауданымызға Қазақстан Республикасы Президенті әкімшілігінің мемлекеттік инспекторы Талғат Байзатов іссапармен келіп, өлкедегі атқарылып жатқан жұмыстармен, жалпы ауданның тыныс тіршілігімен танысып қайтты. Іссапарын Жалпақтал ауылынан бастаған мемлекеттік инспекторды аудан әкімі Нұрлан Бекқайыр, Жалпақтал ауылдық округінің әкімі Самиғолла Ақмурзин жай-жағдайымен таныстырды. Ең алдыменен орталық саябақты аралап, мұндағы Ұлы Отан соғысына арналған ескерткіш тақтаны, футбол алаңын көрді. Астаналық қонақ аудан басшысының бастауымен Жалпақтал аграрлық және салалық технологиялар колледжінде болды. Колледж басшысы Мағауия Есмағұлов білім ошағы жайында ақпарат берді. Мұнан кейін Жалпақтал мәдениет үйінде болып, мәдениет үйінің директоры Жанат Қалиұлы М.Ғұмаров атындағы Жалпақтал халық театры, қуыршақ театрының жұмыс жасайтындығын баян етті. Сонымен қатар мемлекеттік инспекторы орталық алаңды салған жігіттердің еңбегін көріп өз ризашылығын білдірді. Іссапар барысында облыс әкімінің орынбасары Игорь Стексов бірге болып, мемлекеттік инспектор Талғат Әбілсейітұлы Жалпақтал ауылындағы атқарылып жатқан істерді көріп, оң бағасын берді. Тұрарбек ҚАЙЫРҒАЛИҰЛЫ, Жалпақтал ауылы

Ауыл әкімі кәсіпкерлермен кездесті

Күні: , 146 рет оқылды

12193272_1682588395346242_1039037781767677918_n29 қазан күні Жалпақтал әкімшілігінің мәжіліс залында ауыл әкімі Самиғолла Ақмурзин кәсіпкерлермен бас қосты. Бүгінгі таңда мемлекет тарапынан кәсіпкерлерге өте жоғары дәрежеде қолдау көрсетілуде. Жалпақтал ауылындағы кәсіпкерлер өз бизнестерін дамыту үшін біркелкі жұмыстар атқаруда. Бұрыңғыдай тауар тасымалдауда еш қиындық көрмейді деп ойлаймыз. Себебі асфальт жолымыз жылдан-жылға жақындап келеді. Кездесуде кәсіпкерлер ауыл әкіміне өздерінің сұрақтарын, пікір-ұсыныстарын айтып, нәтижелі жауаптар алды. -Қазіргі уақытта орталық көшелерімізде мейрамханалар және басқа көшелерде орналасқан жеке дүкендердің айналасын көріктендіріп, жарықтандыруға өз үлестеріңізді қосаңыздар деймін. Сонымен өз ғимараттарыңызды талапқа сай көріктендіріп, алдына тал, гүл егу және түнгы жарық орнатылса қандай керемет. Ауылымызға сән беріп тұрады. Қай ауылдың тұрғынын алсақ та, таза ауамен демалып, ластанбаған, көрікті ортада өмір сүргісі келеді. «Тазалық-денсаулық кепілі» демекші, салауатты өмір салтын ұстану – өзіміздің қолымызда. Сондықтан жа барлығымыз бір жағадан бас, бір жеңнен қол шығарып, жұмыла еңбектенсек, ауылымыз одан сайын дами түседі,-деді ауыл әкімі Самиғолла Сафиоллаұлы.12189023_1682588415346240_942456034908779063_n

Салық төлеуге салғырт қарама

Күні: , 220 рет оқылды

12189783_1682582742013474_4397128387508474036_n29 қазан күні Қазталов ауданы бойынша мемлекеттік кірістер басқармасының бөлім басшысы Жанар Мұқанова Жалпақтал ауылының мәжіліс залында ауылымыздың кәсіпкерлерімен кездесті. Кездесуге бөлімнің мамандары, Жалпақтал ауылдық округінің әкімі Самиғолла Ақмурзин қатысты. Халық пен салық егіз ұғым. Екеуінсіз мемлекеттің болашаққа көз жүгіртуі мүмкін емес. Сондықтан мемлекет құрылысының өзгеруі, өркендеу қашанда салық жүйесінің құрылуымен, жаңаруымен бірге қалыптасады. Мемлекеттік бюджетке заңды және жеке тұлғалардан белгілі бір мөлшерде түсетін міндетті төлемдер боп табылатын салыққа сол себепті, бей-жай қарауға болмайды. Кездесу барысында бөлім басшысы Жанар Талапқызы алкольдік ішімдік сатуда арнайы лецензия, кассалық аппарат болу керектгін ескертіп айтты. Жиында кәсіпкерлер өздерінің сұрақтарын қойып, тиісті жауаптарын алды. -Халық қазынасы салықтан құралады. Осыны біле тұра салық төлеуге салғырттық танытамыз. Кейбір тұрғындар көлік иелері темір тұлпарларына тиісті салығын төлемеген. Сонымен қатар үй мен жер салығын төлеуде де кемшіліктер бар. Ортақ қазан ортаймасын десеңіз салықты дер кезінде төлеген дұрыс,-деген бөлім басшысы ай сайынғы есептерін дұрыс тапсыру керектігінде айтып өтті. Мұнан кейін бөлім басшысы Жанар Талапқызы кәсіпкерлерді жекелеген сұрақтар бойынша қабылдау жүргізді. Сонымен қатар ауымыздағы азық-түлік, киім-кешек дүкендерін аралады

Тұрарбек ҚАЙЫРҒАЛИҰЛЫ, Жалпақтал ауылы


Ақсақалдар алқасымен кездесті

Күні: , 234 рет оқылды

12049697_1682313775373704_6370211701245631979_n28 қазан күні аудан әкімі Нұрлан Бекқайыр Жалпақтал ауылында болып, ауданымыздың ардақты ақсақалдары, ардагерлер қауымымен кездесті. Кездесуге аудандық мәслихат хатшысы Еркін Ғазизов, аудандық мәслихат депутаттары, Жалпақтал ауылдық округінің әкімі Самиғолла Ақмурзин қатысты.

Қазақ үлкенінің қадірлісін ақсақал деп әспеттеген. Қазақтың қаншама ғасырлар иінінде қалыптасқан әдет-ғұрпы қашандада халықтың рухани азығы, қажетті мұрасы. Оны халық өмірінің айнасы десе болғандай. Әдет-ғұрыптан бастау алатын ақсақалдар алқасы институтының қазақ қоғамындағы орны етене бөлек, маңызы айрықша еді. Төртеу түгел, бесеу бүтін болсын дейтін ол қоғамның ұйымдық қажеті үшін 2010 жылы заңды түрде құрылып, қала берді өмір заңдылығы, ел ішінде болып жататын құбылыстарын жіті аңдап пайымдап отыру үшін құрылды. 14 мүшесі бар ақсақалдар алақасының төрағасы болып Әлібек Қоңырбаев атқарып келді. 12188888_1682313772040371_5865238101246230491_nЖиында ақсақалдар алқасы төрағасы Әлібек Қоңырбайұлы алқаның міндеті, атқарылған жұмыстар жайында айтылып, оның өтініші бойынша жаңадан төраға сайлау ұсынысқа енгізілді. Аудан әкімі Нұрлан Мағазұлы жиналғандардың ұсыныстарын дауысқа салды. Көпшіліктің ұйғарымы бойынша аудандық ақсақалдар алқасының төрағасы болып Нағым Ризуанов сайланды. Кездесуде ақсақалдар толғандырып жүрген мәселелерін айтып, мұның ішінде ауызсу, тағы да басқада мәселелерін сөз етті. Жиында аудандық ішкі саясат бөлімінің бас маманы Ғалия Ахметова, зейнеткерлер Есімхан Меңешев, Тұрақбай Дүйсеновтер сөз сөйлеп, жаңа төрағаға сәттілік тіледі. Сонымен қатар ақсақалдар алақасының мүшелігіне Ғилым Едекешев тіркелді. Кездесу барысында ақсақалдардың ұсыныстарын тыңдаған аудан басшысы өз кезегінде шешілетіндігін айтты. Өмірде көргендері мен түйгендері бар, бай тәжірибелі жандармен кездесіп, ақыл-кеңес алу жаңа бір мүмкіндіктерге жол ашатынын айтқан Нұрлан Мағазұлы ақсақалдарға алғысын білдірді.

Тұрарбек ҚАЙЫРҒАЛИҰЛЫ, Жалпақтал ауылы


Самбо күресінен аудан біріншілігі

Күні: , 180 рет оқылды

12141604_1682083948730020_3990231037303871033_nЖуырда Қазталов ауылының спорт кешенінде 2005-2007 жылы туылған жасөспірімдер арасында самбо күресінен аудан біріншілігі оздырылды. Аудан біріншілігіне Талдықұдық, Қазталов, Тереңкөл, Қоныс, Жалпақтал ауылдық округтерінен 9 салмақ бойынша 50 жуық палуандар қатысты. Салтанатты шараның ашылуында аудандық спорт мектебінің самбо күресінің аға жаттықтырушысы Жанболат Нұрқашев сөз сөйлеп палуандарға сәттілік тіледі. Ал жарыстың бас төрешісі Қадырбек Кенжеғалиев жарыстың өту барысымен таныстырып өтті. Тартысты өткен сайыста жеңімпаздар анықталып, нәтижесінде 20 келі салмақта жалпақталдықтар Расул Анарбек, 23 келіде Нұржалғас Русланов, 26 келі салмақ дәрежесінде Батырхан Жақсылықов және «Ең үздік шеберлігі үшін», 29 келіде Азамат Сергей, 35 келіде Мирас Тасанов, қазталовтық Досымжан Ишанов 32 келі салмақта І орын иегерлері атанды. Барлық жеңімпаздар мен жүлдегерлер спорт мектебінің дипломдарымен медалдарымен марапатталды.

Тұрарбек ҚАЙЫРҒАЛИҰЛЫ, Жалпақтал ауылы


Жаңажолда қайырымдылық концерт өтті

Күні: , 188 рет оқылды

12193535_1682070682064680_7042516963216361149_nЖақында Жаңажол ауылдық округінің «Шаттық» бөбекжайының ұйымдастыруымен мәдениет үйінде «Аман бол асыл қарттарым» атты қайырымдылық концерт өтті. Қарттарымызды құрметтеу, олардың қажеттіліктеріне жарай білу, әрқашанда сыйлау – қоғамдағы жас ұрпақтың міндеті, борышы. Өскелең ұрпақтың кемеңгер ақылшысы – аталар мен әжелер үнемі көңіл бөлуді, назар аударуды, олармен тілдесіп отыруды қажет етеді. Өз мұң-мұқтажы, айтар ақылы мен үлгі тұтарлық өнегесі бар. Ардагерлердің жағдайын сұрап, оларға көңіл бөлуді «Шаттық» бөбекжай ұжымы жадынан шығарған емес. Осынау шарада Жаңажол ауылдық округінің әкімі Арман Болатұлы өз алғысын білдіріп, ардақты қарияларымызға амандық тіледі. Тамаша ұйымдастырылған концертте бөбекжайдың бүлдіршіндері ән-тақпақтарын айтса, бөбекжайдың тәрбиешілері кереметтей көрініс қоя білді. Сонымен қатар бүлдіршіндердің ата-аналары да осы қайырымдылық концертіне атсалысты. 12191700_1682070688731346_5500609138671080555_n-Бүгінгі игі шарада бөбекжай ұжымының тәрбиешілері, бүлдіршіндеріміз және олардың ата-аналары қарияларымызға барынша қолдау көрсетіп, бірлесіп өқткізіп отырмыз. Қарияларымызға концерт ұйымдастырылып, мерекелік дастархан жайып, оларға көтеріңкі көңіл күй, құрмет көрсету болып табылады,-дейді бізбен әңгімесінде «Шаттық» бөбекжайының меңгерушісі Балия Алдабергенова. Мерекелік концертке риза болған қариялар, шара соңында ризашылығын жаудырып, көк туы желбіреген қазақ елі мен халқына ашық аспан, ел амандығын тіледі.

Тұрарбек АҚМУРЗИН, Жаңажол ауылы


Ашық аудандық чемпионат

Күні: , 406 рет оқылды

12188997_1681816905423391_6954544153598563570_n24 қазан күні Жалпақтал ауылының аудандық спорт мектебінің залында 1999-2000 жылы туылған жасөспірімдер арасында волейболдан ашық аудандық чемпионат өтті. Бұл жарыстың мақсаты волейбол ойынын одан әрі дамыту және кеңінен тарату. Сонымен қатар салауатты өмір салтын насихаттап, спортшылар мен командалардың ойын шеберлігін арттыру болып табылады. Спорт мектебінің жоспарға сайы өткен ашық аудандық чемпионатқа Орал қаласынан, Жәнібек, Теректі аудандарының командалары, ауданымыздың ауылдық округтерінен Бостандық, Қайыңды, Көктерек, Қарасу, Қараөзен, Жаңажол, Ақпәтер, А.Оразбаев атындағы орта мектептің командасы, Жалпақтал колледжі, аудандық БЖСМ-І, БЖСМ-ІІ командалары қатысты. Жарыстың ашылу салтанатына қатысқан Жалпақтал ауылдық округінің әкімі Самиғолла Ақмурзин, БҚО жасөспірімдер командасының жаттықтырушысы Равиль Жалелов, аудандық спорт мектебінің директоры Айбар Мұғалбаев командаларға сәттілік тілесе, жарыстың бас төрешісі Тимур Бақтығалиұлы командаларды ойын ережесімен танысытырды. Ойын тартымды да, қызықты өтті. Ойын жеребе тарту арқылы үш жерге бөлініп, аудандық спорт мектебінің залында, Жалпақтал колледжінде және Ғ.Молдашев атындағы орта мектептің залдарында өтті. Бағы мен бабы келіскен ойын өз нәтежесін көрсете білді. Қараөзен ауылынан келген команда ІІІ орынды қанағат тұтса, Жәнібек ауданы мен аудандық БЖСМ-І командалары финалдық ойында кездесті. Нәтижесінде Жәнібек ауданынан келген волейболшылар І орын алса, аудандық БЖСМ-І командасының ойыншылары ІІ орынға ие болды. Сонымен қатар жекелей номинациялар бойынша Жәнібек ауданының волейбол тобының жаттықтырушысы Назарбек Ишанқұлов «Үздік жаттықтырушы», теректілік Руслан Хамзин «Үздік қорғаушы», аудандық БЖСМ-І командасының ойыншылары Әлішер Өтегенов пен Руслан Мақсотов «Үздік шабуылшы», «Үздік тосқауылшы», жәнібектік Бекзат Досумов «Үздік ойыншы», Қараөзен ауылының ойыншысы Арман Шафхатов «Үздік байланыстырушы» номинацияларына ие болды. Жеңімпаздар мен жүлдегер командалар және үздік ойыншылар аудандық спорт мектебінің дипломдарымен естелік сыйлықтарымен марапатталды.

Тұрарбек АҚМУРЗИН, Жалпақтал ауылы


Қазталов ауданы, Шарафутдинов көшесі 13
zhaik_presscenter@mail.ru
aulainasi@mail.ru

"Ауыл айнасы"

"Ауыл айнасы" газетінің бас редакторы: 8-71144-31-4-68
Тілшілер: 31-4-68, 21-3-70
Жарнама бөлімі: 21-0-42

 

.