АЙМАҚ

СПОРТ

ҚОҒАМ

Құттықтаулар

«АСТАНАҒА СƏЛЕМ!» АТТЫ ҚАЗТАЛОВ АУДАНЫ КӨРКЕМӨНЕРПАЗДАРЫНЫҢ КОНЦЕРТІ

Күні , 104 рет оқылды

10 тамыз күні облыс орталығындағы Қадыр Мырза Əлі атындағы мəдениет жəне өнер орталығында Елорданың 20 жылдығына арналған «Астанаға сəлем!» атты Қазталов ауданының көркемөнерпаздарының концерті өтті. Облыс көрермендеріне бағдарламаның ашылуы барабаншылар тобының флешмоб орындауымен басталды. Бұдан кейін Асылхан Болтанов «Арнауын» орындады. Концерттік бағдарламада Асхат Неғметов «Ауылым» əнін орындаса, сондай-ақ Гүлфайруз Маратов орындауында «Астана», дуэттің орындауындағы халық əні «Беуайдай», Мұрат Ахметов пен Сыйлық Құсайынованың «Қаздар қайтқанда», трио орындағын патриоттық əндерден попурри, əнші Балғаным Ғұбашеваның » Астана» әндері жұртшылық жасыл қала Оралдың кешкі аспанының сəнін келтірді деуге болады. Сонымен қатар Ахмет Ескендіров жетекшілік ететін халықтық «Назқоңыр» фольклорлық ансамблі жəне Ақмарал Ғабдуллинаның халықтық «Қарлығаш» би ансамблінің орындауындағы халықтық күйлер мен билер көрермендерді өздеріне тарта түсті. Ал Баян Хабиеваның жетекшілік ететін үлгілі «Қыз Жібек» ансамблінің орындауындағы əндер ауданымыздың өнердегі биіктігін тағы бір дəлелдесе, Наргиза Касумова, Аяна Орынғалидың орындауындағы композиция да жұртшылықты таң қалдырды. Астана — айбынды орда қазағыма, Іліккен талай елдің назарына, Есілдің жағасында бой көтерген, Тамсанып қарайды ел ажарына — дегендей Астананың 20 жылдығына арналған қазталовтық көркемөнерпаздарының концерттік бағдарламасы Е.Хасанғалиевтың «Атамекен» əнімен аяқталды. Жиналған халықтың қарасы көп болып, «Жарайсың, Қазталов!» деген жылы лебіздер айтылып жатты.

Гүлнұр ҚАЗБЕК


Тегтер:

Пікір қалдыру


Қазталов ауданы, Шарафутдинов көшесі 13
zhaik_presscenter@mail.ru
aulainasi@mail.ru

"Ауыл айнасы"

"Ауыл айнасы" газетінің бас редакторы: 8-71144-31-4-68
Тілшілер: 31-4-68, 21-3-70
Жарнама бөлімі: 21-0-42

 

.