АЙМАҚ

СПОРТ

ҚОҒАМ

Құттықтаулар

Мұрағат: Июль, 2017


ХАЛЫҚ ПЕН ПРОКУРАТУРА АРАСЫНДАҒЫ БАЙЛАНЫС НЫҒАЯ ТҮСУДЕ

Күні: , 78 рет оқылды

20423882_305351353208093_4811143682591514709_o-Әр азамат өз құқығын толыққанды білсе, құқығы бұзылып жатқан жағдайда кез келген уақытта құқық қорғау органдарына, соның ішінде прокуратураға жүгінуі керек екені ақиқат. Әділдік іздегендер, ең бірінші прокуратураға келетіні де түсінікті. Себебі, бұл құқық қорғау органы – мемлекет атынан Заңның сақталуын, адам құқықтарының қорғалуын қадағалайтын орган. Бұқара халықпен тығыз байланыс жасау мақсатында оларды не мазалап жүргендерін айқындап, көңіл-күйін білу үшін әр бір ауыл әкімдігінде (А2 форматында) аудан прокуратурасының сенім телефоны, өзімнің ұялы байланыс телефоным мен электронды мекен-жайымыз жазылған билдборд тақтайшасы орналастырылды. Бұл халықпен тікелей өзіме хабарласуға мүмкіндік беруде. Айта кету керек аталған жұмыс 2013 жылдан бері жалғасып келе жатыр. Өз телефонымды жария етуімнің нәтижесінде, қарапайым адамдар өзіме тікелей қоңырау шалып, алыс шалғай ауылдардан келмей-ақ, қеңес сұрауға, шағым айтуға, ыңғайы келсе тиісті заң түсіндермесін беріп, болмаған жағдайда, уатсапп желісі арқылы түсініктер беруге мүмкіндіктер туды. Сондай-ақ ауданның мекеме, ұйым жетекшілерімен бірлесе шалғай ауылдарға барып, өздерін толғандырып жүрген түрлі сауалдарына жауаптар алу үшін кездесулер ұйымдастырылды. Интернет желесін пайдаланып видео байланыс арқылы да азаматтарды қабылдау жұмыстары өткізілді. Бұл іс шарамыз да қеңінен қолдау тапты. Сонымен қатар қазіргі таңда Бас прокуратураның бастамасымен жобалық менеджмент арқылы жұмысымыздың әр саласында айтаралықтай нәтижеге кол жеткіздік Мысалы «Ұрлыққа тосқауыл» атты жобасы бойынша, құқық қорғау мен жергілікті атқарушы органдарымен бірлесе жүргізілген профилактикалық іс-шаралардың қорытындыларымен ұрлықтың жалпы саны 35 пайызға төмендеуі байқалды, -деді аудан прокуроры өзінің қысқа сұхбатында.

Серік ЖҰМАҒАЛИЕВ


РЕДАКТОРДЫ ҚАБЫЛДАДЫ

Күні: , 146 рет оқылды

20369106_304975776578984_748029846503597289_o27 шілде күні аудан әкімі Абат Шыныбеков аудандық «Ауыл айнасы» газетінің редакторы Серік Жұмағалиевті қабылдады. Қабылдауда С.Жұмағалиевті мерейлі жасымен құттықтап, алдағы уақытта да шығармашылық қызмет атқара беруіне және аудандық газеттің оқырмандары көп басылым болуы жолында ұжыммен бірлесе отырып жұмыстана беруіне лебізін білдірді. Сондай-ақ аудандық ардагерлер кеңесінің төрағасы Уәлиолла Әбішев те мерейтой иесін құттықтап, шығармашылық табыс тіледі.

«Ауыл айнасы» ақпарат


«БОЛАШАҚҚА CАЛЫМ САЛАМЫЗ!» АКЦИЯСЫ

Күні: , 128 рет оқылды

20369564_304973996579162_3321627990986121562_o27 шілде күні аудан бойынша «Нұр Отан» партиясының «Бақытты балалақы шақ-бақытты отбасы» жобасы аясында «Болашаққа қаржы саламыз!» атты акциясы басталды. Осыған орай аудан орталығындағы жастар демалыс орталығында да осы акция өз бастауын алды. Акцияға «Нұр Отан» партиясының аудандық филиалы қызметкерлері, Қазталов ауылдық округінің әкімдігі, мекеме, қоғамдық ұйымдардың өкілдері және жеке кәсіпкерлер қатысты. Акция барысында жеке кәсіпкерлер Нұрлыбек Хайруллин мен Рамиля Сұпығалиева өз қаражаттары есебінен мектеп оқушысы Аяжан Ұзақбаеваға есеп-шот ашуға көмек көрсетсе, «Нұр Отан» партиясының аудандық филиалы төрағасының бірініші орынбасары Марат Тоясов және аудандық білім беру бөлімінің әдіскері Айжан Жағыпарова лебіздерін білдіре отырып, естелік сыйлықтар табыс етті. Айта кетуіміз керек, акцияны ұйымдастыруда және кәсіпкерледі бұл акцияға тартуда жұмыстанған аудандық жастар демалыс орталығының әдіскері Нұрия Хабибуллинаның еңбегі зор. Бұл акцияға дейін ауданымызда бастауыш партия ұйымдарының қолдауымен 17 балаға осындай есеп-шоттар ашылған болатын. «Болашаққа қаржы саламыз!» акциясын кез-келген ниет білдіруші қолдай алады.

«Ауыл айнасы» ақпарат


«ЖАЙЫҚ-ОРАЛ 2017» ЭКСПЕДИЦИЯСЫ АУДАНЫМЫЗДА

Күні: , 118 рет оқылды

20368795_304777833265445_2813717963821224995_o26 шілде күні ауданымызға XXI бірлескен Жайық өзеніндегі Қазақстан-Ресей тарихи-мәдениеттік, экологиялық, спорттық және туристік «Жайық-Орал 2017» халқаралық экспедициясының мүшелері келді. Экспедицияның мақсаты: Қазақстан мен Ресейдің арасындағы мәдени және шекаралық ынтымақтастықты нығайту, Жайық өзені көлікті шекаралас бассейні бірегей экожүйесінің қазіргі және болашақ адамзатқа сақталуын, қоршаған ортаға қамқорлық жасауды экологиялық және туристік мәдениетті келешек ұрпаққа дағдыландыру, салауатты өмір салтын және туризмді насихаттау болып табылады.  Экспедиция мүшелерін қарсылап алған аудан әкімі Абат Шыныбеков,- Қазталов ауданына қош келдіңіздер! — деген тілегін жеткізсе, дәстүрлі бауырсақ пен ақ ұсынылып, «Гүлдерайым» әжелер ансамблі қонақтардың құрметіне әндерден шашу шашты.

Қайрат ЖАҚЫП


НӘТИЖЕЛІ ЖҰМЫСПЕН ҚАМТУ ҮШІН

Күні: , 162 рет оқылды

20429701_304547989955096_7515551386593568382_nҮстіміздегі жылдың «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы» шеңберінде бағдарламаның бірінші бағыты бойынша «Бағдарламаға қатысушыларды техникалық және кәсіптік біліммен және қысқа мерзімді кәсіптік оқытумен қамтамасыз ету» аясында 27 адам газ қондырғысының операторы, шаштараз және аспазшы мамандықтары бойынша қысқа мерзімді оқуға жолданды. Ал екінші «Жаппай кәсіпкерлікті дамыту» бағыты аясында несиелендіруге 148 млн. 452 мың қаражат, соның «Ауыл шаруашылығы қаржылай қолдау қоры» АҚ БҚО филиалы арқылы 87 млн. 452 мың теңгенің 65 млн. 500 мың теңгесі бүгінгі күнде игеріліп отыр. «Аграрлық несие корпорациясы» АҚ БҚО филиалы арқылы 61 млн. теңге бөлінсе, қазір 6 адам малдану мақсатында 27 млн. 400 мың теңгеге қол жеткізді. «Бастау бизнес» жобасы бойынша 60 адам кәсіпкерлік негіздерінде оқып, сертификаттары табысталды.

«Ауыл айнасы» ақпарат


-АУЫЛДА КӘСІП ЖОҚ,-ДЕП КІМ АЙТАДЫ?..

Күні: , 162 рет оқылды

20286737_304080966668465_5712515747769893162_oАудан орталығындағы үлкен көшенің асфальт жолдың үстінде ат арба келеді. Асфальтқа тиген ат тұяғының дыбысы тық-тық, тық-тық… етеді. Арба үстінде саман кірпіш тиелген. Ат арбаның делбесін жүзін күн қаққан қырықтар шамасындағы аға ұстап отыр. Әдейілеп жолықтым. -Мейрам Мұратовпын,-деп өзін таныстырды. Мына саман кірпішті өзім дайындадым. Қазір сатуға алып бара жатырмын. Күніне 100-150-дей саман кірпіш соғамын. Әрбір кірпішті 90 теңгеден сатамын. Сонымен қатар тапсырыс берген адамға осы ат арбаммен жеткізіп бергенім үшін 500 теңге аламын. (Былайша айтқанда «Доставка на дом» деп күлді) Сондай-ақ осы ат арбамен сұраныс жасаған адамдарға қажетті тауарларын да жеткізіп тастаймын. Өзім тұрақты жұмыс болмағанмен, маусымды жұмыстарда істеп жүрмін. Үйде қой, жылқы малын ұстап отырмын,- деді. Ойланып қалдым… Ауылда жұмыс жоқ, кәсіп жоқ, тағы да кіл жоқ-жо-о-о-қты айтамыз да отырамыз. Ал мына аптап ыстықта даярлаған саман кірпішін сатуға алып бара жатырған Мейрам ағаны көргенде кәсіп жоқ деуіміз қате сияқты. Тек адамдардың адал еңбекке деген құлшынысы болса ғана жетіп жатқан сияқты…

Гауһар ӘДІЛЖАН


ҚАЗТАЛОВ — ОҚЫРМАНДАР ЕЛІ

Күні: , 134 рет оқылды

20449031_303964156680146_1321061522615239023_o— Бүгінде кітап оқитындар азайды-деп жиі айтып жатамыз. Ал осы мәселенің тереңіне бойламай пікір қалыптастыратын сияқтымыз. Олай дейтініміз — аудандық орталықтандырылған кітапхананың толықтыру бөлімінің кітапханашылары таңертеңнен кешке дейін жаңадан келген оқулықтарды кітапханаларға сұрыптаумен отырғанын көреміз. Толықтыру бөлімінің жетекшісі Ағырыс Алтаева,- аудан кітапханаларында 412 мың 973 кітап қоры бар. Биылғы жылдың алты айлығында 1 мың 995 жаңа кітаптар келді. Олардың ішінде Ақселеу Сейдімбековтің, Әлихан Бөкейхановтың еңбектері болса, тарихымызды түгендеген кітаптар да баршылық.,- дейді. Қазіргі күнде ауданымыздың кітапханалары 22 мыңның үстінде оқырмандарды қамтып отыр. Бұл аудан тұрғындарының 60 пайызға жуығы кітаппен дос деген сөз. Сондықтан біздің аудан оқырмандары көп аудан болып саналады деп айта аламыз.

Серік ЖҰМАҒАЛИЕВ


АРДАГЕРЛЕР БАҚША ӨСІРУДЕ. АЛ ЖАСТАРЫМЫЗ НЕГЕ КЕТПЕН ҰСТАМАЙДЫ?…

Күні: , 164 рет оқылды

20368891_303938466682715_7594203314511234073_o 20369019_303938953349333_2034464519946148745_oҚазталовта көкөніс егіп, кәдімгі қияр, қызанақ өсіріп, бақша қызығын көргендер өте сирек. Судың жағасында отырған ауыл болсақ та желкеміздің қыры жібермейді ме, әлде шөп-шаламды менсінбейміз бе, әйтеуір, бақша салуға жоқпыз. Дегенмен, жерді тырмалап, шыжыған күннің астында қолына күрек-кетпен ұстап, бақша салатындар аз да болса бар. Солардың қатарында қазталовтық Жұмабай Көшекенов ағамыз. Ғұмырына атакәсіп төрт түлік мал өсірумен айналысқан ағамыз зейнетке шыққаннан кейін бау-бақша салуды қолға алыпты. Қарасудың жағасында тұратын Жұмабай аға жылма-жыл бақша егіп, қыста жейтін ащысы мен тәттісін молынан даярлап алады. Бақшасында қияр, қызанақ, қызылша, асқабақ сынды көкөністермен қатар алма, бүлдірген, шие сияқты жеміс теректерін өсіріп, өнімін алып отыр. Жұмабай ағамызбен тілдескенімізде:- Зейнетке шыққасын мал бағуды балаларға тапсырып, аудан орталығына келдік. Жастайынан қара жұмысқа түсіп үйренген адамға қарап жатудың өзі қиын екен. Мен де қарап отырмайын деп бір жағынан еңбек, бір жағынан азық болатын бау-бақша дақылдарын өсіруді қолға алдым. Міне, үш жылдан бері осы жердің төсін еміп келеміз. Сатып ақша жасамасақ та қысқа банка жауып, артылғанын балаларға жіберіп жатамыз. Бүгінгі күнде еңбек еткен адамның бағы жанып тұр ғой,- деп ағынан жарылды. Сонымен қатар куә болғанымыздай ағамыздың көршісі еңбек ардагері Есентай Темірешев те білегін түріп, өз бақшасында еңбектеніп жатыр. Бұл ағаның да бақшасын көріп, қуанып қалдық. Осындайда ой келеді, тепсе темір үзетін замандастарымыз екі қолын қайда сыйғызарын білмей көшеде жүр. Ең болмағанда жаз айларында кетпен ұстаса, оның жемісін көрер еді… Жер-ананың адамзатқа берері көп қой. Еңбекке деген құлшынысы мол, қара жердің игілігін көріп отырған еңбекқор ағалалардың ісі – көпге үлгі болмақ.

Қайрат ЖАҚЫП


«КӨШІМ» ТҰҚЫМДЫ ЖЫЛҚЫ БАР

Күні: , 143 рет оқылды

20414307_303678803375348_4412869846555617164_oЖылқы шаруашылығын дамыту жобасы бойынша Болашақ ауылдық округіне қарасты «Жаңа тұрмыс» өндірістік кооперативінде, Ақпәтер ауылдық округіне қарасты «Қамқор», «Бейназар-Б» шаруа қожалықтарында асыл тұқымды «Көшім» жылқысы өсірілуде. Осы шаруашылықтардың иелігінде 1318 бас асыл тұқымды жылқы, соның ішінде 407 бас аналық бар, қазіргі уақытта асыл тұқымды жылқы малы саттыққа ұсынылып, 5 бас сатылымға шығарылды. Сондай-ақ ағымдағы жылы «Сыбаға», «Алтын асық», «Құлан» бағдарламалары бойынша 8 шаруашылық 79 млн 975 мың теңге несие алуға қол жеткізді. Осы қаражатқа 13 бас бұқа, 277 бас ірі қара аналығы, 400 бас қой, 3 бас айғыр, 30 бас байтал сатып алынды. Бұл бағдарламалар бойынша өткен жылдың сәйкесті мерзіміне 6 шаруашылық несиеге алған 79,0 млн теңге қаражаттарына 8 бас өндіргіш бұқа, 189 бас ірі қара аналығы, 11 бас айғыр, 137 бас байтал сатып алынғын болатын.

«Ауыл айнасы» ақпарат


«БЕРЕКЕНІҢ» БЕРЕКЕСІН КӨРГЕНГЕ НЕ ЖЕТСІН?!…

Күні: , 274 рет оқылды

20280599_303677966708765_8355511090764277871_oЖеке қосалқы шаруашылықтардың әлеуетін пайдалану арқылы ауыл тұрғындары арасында жұмыссыздықты азайту, халықтың әл-ауқатын арттыру мақсатында «Береке» несиелік бағдарламасы аясында ағымдағы жылы мүйізді ірі қара малын бордақылаумен айналысатын 8 ауылшаруашылық өндірістік кооперативтері (АӨК) жаңадан құрылып, жұмыс істеуде. Бүгінгі күнге аудан бойынша есепте тұрған 21 ауылшаруашылық кооперативінің құрамына 1103 тұрғын мүшелікке енген, онда 7093 бас ірі мүйізді қара, соның ішінде 6836 аналық мал тіркелген. Ағымдағы жылдың өткен кезеңінде «Береке» бағдарламасы шеңберінде «Ауыл шаруашылығын қаржылай қолдау қоры» АҚ БҚО филиалына 36 жеке тұлға 111 млн 500 мың теңге, «Игілік» бағдарламасы бойынша 13 жеке тұлға 54 млн 100 мың теңге несие алуға қол жеткізсе, 3 жеке тұлғаның 7 млн 100 мың теңге несие алуға берген өтінімдері мақұлданып, несиелендіру сатысында. Бүгінгі күні осы несиелік бағдарламалармен барлығы 52 адам 172 млн 700 мың теңге несиелік қаражаттармен қамтылып, мал шаруашылығымен шұғылдануда.

«Ауыл айнасы» ақпарат


Қазталов ауданы, Шарафутдинов көшесі 13
zhaik_presscenter@mail.ru
aulainasi@mail.ru

"Ауыл айнасы"

"Ауыл айнасы" газетінің бас редакторы: 8-71144-31-4-68
Тілшілер: 31-4-68, 21-3-70
Жарнама бөлімі: 21-0-42

 

.