АЙМАҚ

СПОРТ

ҚОҒАМ

Құттықтаулар

Мұрағат: Март, 2017


АНАЛАРҒА «КҮМІС АЛҚА» ТАБЫСТАЛДЫ

Күні: , 116 рет оқылды

17622063_258171551259407_8538825263535860733_o30 наурыз күні Жалпақтал ауылдық округінің әкімі Самиғолла Ақмурзин ауыл тұрғындары Толқын Батырованы, Жадыра Меңдіханқызын қабылдап, Елбасы Нұрсұлтан Әбішұлының Жарлығы бойынша «Күміс алқаны» табыс етіп, оларға еліміздің демографиялық дамуына елеулі үлес қосқаны үшін алғыс білдіріп, сый-сияпат жасады. Елбасының сарабдал саясатының арқасында елімізде ана мен балаға қолдау көрсету басты назарға алынып, демографиялық өсімге ықпал ету мәселесі де қарқын алып келеді. Осы мақсатта ақ жаулықты ана атаулыға жасалынып отырған қолдау зор мәнге ие. -Сіздерді шын жүректен құттықтаймын. Әйел, отбасы, қоғам бұл үшеуі өзара тығыз байланысты. Әйел ең алдымен, ұрпақ бақытына, өз шаңырағына, сондай-ақ, Отанымыздың болашағына жауапты тұлға. Алты баланы дүниеге әкеліп, тәрбиелегендеріңіз ерлікпен тең. Денсаулықтарыңыз мықты, отбасыларыңыз аман, ғұмырларыңыз қуаныш пен шаттыққа толы болсын, — деп құттықтады Самиғолла Сафиоллаұлы. Мұнан кейін аудандық ішкі саясат бөлімінің бас маманы Ғалия Ахметова, округ әкімінің орынбасары Мұрат Рахметуллин, Жалпақтал ауылдық округінің аналар кеңесінің мүшесі Қайырлы Спашева сөз алып, игі тілектерін арнады. Елбасымыздың қолдауымен жүзеге асып отырған бұл бастаманы Мемлекет басшысының қамқорлығы деп бағалаған қос ана Елбасына ризашылығын, ауылдық округ әкім аппаратының ұжымына алғыс білдіріп, жұмыстарына сәттілік тіледі.

Тұрарбек ҚАЙЫРҒАЛИ


«ЭКСПО-2017» КӨРМЕСІН ТАМАШАЛАУҒА ШАҚЫРАДЫ!!!

Күні: , 160 рет оқылды

17457863_258072647935964_6627143558114513450_nҚұрметті аудан тұрғындары! Өздеріңізге белгелі, 2017 жылы елімізде ең маңызды оқиғалардың бірі – «ЭКСПО – 2017» халықаралық мамандандырылған көрмесі өткізіледі. Осыған орай, Казталов ауданының әкімдігі Астана қаласында өтетін «ЭКСПО – 2017» көрмесіне аудан тұрғындарын қатысуға шақырады. Қазіргі уақытта аудан әкімі аппараты қатысушылардың тізімін жасақтауда, осыған орай ниет білдірушілердің өтінішін 7 сәуірге дейін аудан әкімі аппаратына тапсыруларыңыз сұралады. Көрмеге қатысуға ниет білдіргендер жеке бастарының мәліметтерін көрсете отырып, алдын ала БҚО облысының аумағынан шығуға шектеулер және тыйым салулар (айыппұл, алимент) жоқтығын тексеріп алулары қажет. Қазталов ауданы бойынша филиалдардан ұсынылған адам саны: Мектеп оқушылары: 355 Студенттер: 11 Зейнеткерлер: 19 Мүмкіндігі шектеулі жандар: 10 Мемлекеттік қызметкерлер: 44 Білім беру саласының қызметкерлері: 63 Денсаулық сақтау саласының қызметкерлері: 31 Спорт саласының қызметкерлері: 13 Мәдениет саласының қызметкерлері (мәдени – сауықтыру орталығы, кітапхана): 31 Құқық қорғау саласының қызметкерлері: 31 Басқа да салалар бойынша: 616
«ЭКСПО – 2017» көрмесі кезінде Орал – Астана темір жол қатынасының жүру кестесі: 1 топ 08.07.2017 ж. Орал қаласынан кетуі, Астана уақытымен 21:50:00; 10.07.2017ж. Астана қаласына келуі, Астана уақытымен 14:53:00; 12.07.2017 ж. Астана қаласынан кетуі, Астана уақытымен 21:40:00; 14.07.2017 ж. Орал қаласына келуі, Астана уақытымен 12:44:36. Орал қаласы арқылы пойыз 57/58 Орал Астана. 2 топ 24.08.2017 ж. Орал қаласынан кетуі, Астана уақытымен 21:50:00; 26.08.2017 ж. Астана қаласына келуі, Астана уақытымен 14:53:00; 28.08.2017 ж. Астана қаласынан. кетуі, Астана уақытымен 21:40:00; 30.08.2017 ж. Орал қаласына келуі, Астана уақытымен 12:44:36. Барлық сұрақтар бойынша Айша Уәлиқызы жауап береді. Жұмыс телефоны: 32 1-22 Ұялы байланыс нөмірі: +77057963828 «ЭКСПО – 2017» халықаралық мамандандырылған көрмесін өздеріңіздің қатысуларыңызбен қолдаңыз

«МЕРЕЙЛІ ОТБАСЫ» ҰЛТТЫҚ БАЙҚАУЫНА ҚАТЫСАЙЫҚ!!!

Күні: , 156 рет оқылды

17457662_258045944605301_8654337118252190627_nҚұрметті аудан тұрғындары! Қазталов аудан әкімдігі «Мерейлі отбасы» ұлттық конкурсы өтетіндігін сізге хабарлайды. «Мерейлі отбасы» ұлттық конкурсы өнегелі құндылықтарды жаңғыртуға және отбасы мен некенің (ерлі-зайыптылықтың) жағымды үлгісін таратуға, отбасы мәртебесін арттыруға бағытталған. Конкурсты өткізудің мақсаттары: 1) отбасы институтын, адамгершілікті, руханилықты нығайту, жауапты ерлі-зайыптылықтың маңызын тану; 2) ата-аналардың бала тәрбиелеудегі жауапкершілігін арттыру; 3) отбасылық құндылықтарды, кәмелетке толған балаларының еңбекке қабілетсіз және егде жастағы ата-аналарына қамқор болуын дәріптеу және кеңінен насихаттау; 4) қазақстандық отбасының жағымды имиджін насихаттау.
Конкурсқа қатысуға мүшелерінің еңбектегі, спорттағы, шығармашылық, зияткерлік, ғылыми жетістіктері жоғары отбасылар жіберіледі. Мыналар: 1) қызметі Қазақстан Республикасының аумағында тыйым салынған ұйымдардың құрамына кіретін (кірген) мүшелері бар; 2) бұрын сотталған мүшелері бар отбасылар конкурсқа қатыса алмайды. Конкурсқа қатысуға өтінім аудандық комиссияға конкурстың басталғаны туралы көпшілікке жариялаған күннен бастап бір ай ішінде мынадай құжаттармен бірге беріледі: 1) ата-аналардың (қорғаншылардың, қамқоршылардың) жеке басын куәландыратын құжаттардың көшірмелері, балалардың туу туралы куәліктерінің көшірмелері; 2) асырап алушы (қорғаншы) отбасылар үшін – жергілікті уәкілетті органның кәмелетке толмаған балаға қорғаншылықты (қамқоршылықты) белгілеу туралы шешімінен үзінді көшірме; 3) неке қию туралы куәліктің көшірмесі (бар болса); 4) ата-аналарының біреуі қайтыс болған жағдайда, қайтыс болу туралы куәліктің көшірмесі – бар болса; 5) балаларды тәрбиелегені үшін алған көтермелеулердің, белгілі бір жетістіктері үшін алған көтермелеулердің бар екенін куәландыратын құжаттардың көшірмелері; 6) балалардың, ата-аналардың (қорғаншылардың, қамқоршылардың) жұмыс (оқу) орнынан анықтамалар және мінездемелер; 7) ұсынымдар (әріптестерінің, көршілерінің, достарының); 8) отбасы мүшелерінің еңбектегі, спорттағы, шығармашылық, зияткерлік, ғылыми жоғары жетістіктерін куәландыратын құжаттардың көшірмелері. Құжаттарды көрсетілген мерзімнен кейін ұсынған үміткерлер конкурсқа қатысуға жіберілмейді. Аудандық комиссияға ұсынылған құжаттар қайтарылмайды. Аудандық комиссия үздік отбасыларды айқындау туралы шешім қабылдау кезінде мынадай критерийлерді басшылыққа алады: 1) отбасы мүшелері жетістіктерінің саны мен маңызы (отбасы тарихы – визит карточкасы – таныстыру рәсімі); 2) отбасылық дәстүрлер және жәдігерлер; 3) отбасының рухани-адамгершілік құндылықтары; 4) балаларының жетістіктері; 5) ата-аналарының үлгі тұтарлықтай жетістіктері; 6) өздерінің шыққан тегін білуі (шежіре – ру тарихы); 7) отбасы құрамы (отбасы мүшелерінің саны – бір аумақта бірге тұрып жатқан бірнеше ұрпақтың өкілдері); 8) отбасының дарындары; 9) отбасының өмір сүру салты (саламатты өмір салты, бос уақыты және т.б.); 10) отбасының қоғамдағы беделі. Құжаттар мына мекен-жәй бойынша 2017 жылдың 1 сәуір – 20 сәуір аралығында қабылданады:Қазталов ауылы, А.Оразбаева көшесі 23 үй. «Қазталов ауданының ішкі саясат бөлімі» ММ. тел.8(71144)32063, 8(71144)40090, 8(71138)21431

ҮЙДІҢ ШАТЫРЫН ТӨҢКЕРІП ТАСТАДЫ

Күні: , 180 рет оқылды

17636815_257793437963885_4177635972348763254_oБір аптадан бері Қазталов ауданында қатты жел тұрып, біресе жаңбырын, біресе қарын әкеліп, адамдарды мазалап тұр. Ал бүгін 29 наурыз күні таңертеңгі 7:00-ден солтүстік батыстан басталған қатты жел сағат 12-лерде күшейе түсті. Нәтижесінде Қазталов ауылының Шарафутдинов көшесінің №9 жеке кәсіпкер Сәуле Омарованың үйінің (дәріханасы бірге) шатырын қатты жел төңкеріп тастады. Абырой болғанда зақымданушылар жоқ. Ал төрт пәтерлік үй болып есептелетін бұл ғимаратты осыдан екі жыл бұрын тұрғын үйлерді жаңғырту бағдарламасы бойынша жөңдеу жұмысы жүргізілген екен. Үй иесінің айтуы бойынша бұл жөңдеу жұмысына 4 млн. үстінде қаражат жұмсалыпты. Жаңғыртудың сапасы екі жылға жетпей жатқанына қай мекеме жауапты екен?

Қайрат ЖАҚЫП


ПАЛУАНДАР КИЕЛІ ӨҢІРДЕН ЖҮЛДЕМЕН ОРАЛДЫ

Күні: , 176 рет оқылды

17620462_257786851297877_4801815510078518514_o27-29 наурыз күндері аралығында Қаратөбе ауданында 2003-2005 жылғы туылған жасөспірімдер арасында еркін күрестен аудандық ашық біріншілік өтті. Біріншілікке Атырау облысы, Ақжайық, Жаңақала, Сырым, Қаратөбе аудандары және «Жекпе-жек» спорт клубы мен Орал қаласы командаларының жас палуандары қатысып, боз кілемде бақтарын сынады. Осы жарысқа Казталов аудандық орталық балалар-жасөспірімдер спорт мектебінің спортшылары қатысып, жүлдемен оралды. Жарыс қорытындысы бойынша 24 келі салмақ дәрежесінде Әлисұлтан Баянғали 1 орын, 20 келіде Асылхан Ерболат 2 орын, 30 келіде Асыланбек Мақсотов 2 орын, 20 келіде Нұрәлі Жалмұханов 3 орын, 20 келіде Нұрсат Жалмұханов 3 орын, 27 келіде Әлемхан Ғабдолханов 3 орын, 42 келіде Сұлтан Ақынбасов 3 орынды иеленді. Еркін күрес спорт түрінің құрылғанына аз ғана уақыт болса да бұл спорт түрінен аудандық орталық балалар-жасөспірімдер спорт мектебінің палуандары облыстық, республикалық дәрежеде жүлдегер атанып жүр. Бұл спорт мектебі ұжымының уақытпен санасапй еңбек етуі деп түсінген жөн. Осындай шәкірттерінің жеңіс тұғырынан көрініп, талай жарыстарда оза шабуына Мейрам Ғиляжевтың үлесі зор.

Әсем ХАЛИУЛЛИНА


КОМИССИЯДА Х.БӨКЕЕВАНЫҢ 100 ЖЫЛДЫҒЫН АТАП ӨТУ ТАЛҚЫЛАНДЫ

Күні: , 150 рет оқылды

17635450_257770311299531_6972442421072850738_o29 наурыз күні аудан әкімінің орынбасары Зәйлім Мәжитованың төрағалық етуімен Хадиша Бөкееваның 100 жыл толуын атап өту жөнінде құрылған комиссияның кезекті отырысы өтті. Х.Бөкееваның 100 жылдығын атап өту ауданда басталып та кетті. Білім, мәдениет салаларында және кітапханаларда өнер жұлдызының қызметі мен шығармашылығы туралы түрлі шаралар жүргізілуде. Сондай-ақ бұқаралық ақпарат беттерінде де мазмұнды да, мәнді естеліктер жариялануда. Енді мамыр айының ортасында Х.Бөкееваның 100 жылдығына арналған үлкен шара жоспарлануда. Бұл шараға Алматыдан түрлі өнер қайраткерлері келеді деп күтілуде. Сонымен қатар Х.Бөкееваның кеудетұғыры да ашылатын болады. Басқа да түрлі мәдени шаралар өткізілмекші. Комиссия отырысында осы алдағы келе жатқан үлкен мәдени шараны ұйымшылдықпен өткізудің бағыттары талқыланып, мекеме, ұйым жетекшілеріне тиісті тапсырмалар жүктелді.

Әсем БОЛАТ


«НҰР ОТАННЫҢ» КОМИССИЯЛАРЫНДА

Күні: , 186 рет оқылды

17546947_257714027971826_3911063422736393384_o29 наурыз күні «Нұр Отан» партиясы аудандық филиалының мәжіліс залында «Нұр Отан» партиясы аудандық филиалы жанындағы сыбайлас жемқорлыққа қарсы әрекет жөніндегі қоғамдық кеңесі және партиялық бақылау комиссияларының бірлескен отырысы өтті. Отырыста аудандық білім беру бөлімінің маманы Ая Хафизова,-ауданның білім беру саласы сыбайлас жемқорлыққа қарсы әрекет ету жұмысының жәйі туралы,-хабарлама жасады. Сондай-ақ бірлескен отырыста Елбасының биылғы жылы халыққа арнаған Жолдауынан туындайтын міндеттерді орындау туралы айтылып, бұл бағытта партия мүшелерінің жауапкершіліктерін, атқарған істеріне сын көзбен қарау жөніндегі пікір, ұсыныстар да ортаға салынды. Бірлескен отырыста басқа да қаралған мәселелер бойынша тиісті қаулылар қабылданды.

Гауһар ӘДІЛЖАН


«КӨКТЕМ АРУЫ — 2017»

Күні: , 168 рет оқылды

17621787_257521674657728_8638492533227051386_o 17632237_257516037991625_4312084980359458835_o 17621863_257517411324821_263913914574159414_o 17621859_257517254658170_5241552481767449113_o 17504982_257517767991452_2870219182977205354_o

Қос бұрымы аш беліне төгілген, Келбеті бар кермаралдай керілген. Қазақ қызы – инабатты ару қыз, Ақ жүзінен аппақ сәуле төгілген,

-дегендей 28 наурыз күні аудандық мәдениет үйінде «Көктем аруы — 2017» байқауы өтті. Байқауға 10 ару қатысты. Байқауда сөз алған аудандық ішкі саясат бөлімінің басшысы Самал Жангереева барша аруларды көктем мерекесімен құттықтап, сәттілік тіледі. Арулар «Мен қазақтың қызымын», «Өнерліге өріс кең», «Ақыл жастан», «Сыр мен сымбат» кезеңдері бойынша сынға түсті. Байқау әнмен өріліп, өз мазмұнын аша түсті. Байқауға қатысқан қай аруымыз болмасын, өздерінің ұлттық дәстүрін дәріптеген, үлкенді сыйлаған, кішіге ізет көрсеткен нағыз қаракөздер екенін анық байқатты. Қай-қайсысы да жүлдеге лайық деп санарлықтай болды. Әділқазылар алқасының шешімі бойынша байқауда Перизат Қабденова (Ақпәтер ауылы) «Шебер ару», Бибінұр Меңдығалиева (Қараоба ауылы) «Инабатты ару», Сән Жетпіс (Жұлдыз ауылы) «Сәнғой ару», Балқия Ахмедиярова (Қараөзен ауылы) «Білімді ару», Ақбота Алдамжарова (Жалпақтал ауылы) «Көрермен көзайымы», Гүлжахан Ескендірова (Бостандық ауылы) «Шырайлы ару», Назерке Болатова (Қарасу ауылы) «Зерделі ару», Аида Ұзақбаева (Талдықұдық ауылы) «Іскер ару» атанса, Зибагүл Асқарова (Жаңажол ауылы) «Әдемі ару» номинациясымен марапатталды. Ал Байқауда бостандықтық Орынғаным Нұртазина бас жүлдені жеңіп алып, «Көктем аруы — 2017» атанды. Орынғанымды барлық оқырмандар атынан құттықтап, алдағы уақытта да ойлаған мақсатына жетуіне және артынан ерген сіңлілеріне үлгі болып, нағыз қазақтың қызы атанып жүре беруіне тілек білдіреміз. Жеңістеріңіз құтты болсын, арулар!

Әсем БОЛАТ


АУДАН АКТИВІМЕН КЕЗДЕСТІ

Күні: , 118 рет оқылды

17635390_257465474663348_3173910072553775778_o 17620247_257465351330027_8169122317875863296_o28 наурыз күні аудан әкімдігінің мәжіліс залында БҚО дін істері басқармасының бас маманы Мақсот Раманқұлов пен БҚО дін мәселелерін зерттеу орталығының басшысы Жарас Аханов аудан активімен кездесті. Кездесуде келген қонақтар еліміздегі діни ахуал туралы әңгімеледі. Бүгінгі күнде тек еліміз емес, бүкіл әлемді алаңдатып отырған қақтығыстар, дінаралық жанжал, террорлық әрекет қатерлі дертке айналуда. Осындай теріс ағымдардың әсерінен еліміздегі кейбір оң –солын танып болмаған жастар оған ілесіп кетуде. Ақырында келіп, оның салдары үлкен қайғы-қасіретке душар етуде. Міне, осындайлардан сақтану үшін жасөспірімдер жіне жастар арасында салиқалы әңгімелер айтылуға тиіс. Әсіресе, әрбір ауылдағы имамдар, білікті ұстаздар, сыйлы ардагерлер бұл жұмыстан шет қалмаулары қажет. Бұндай жұмыс бір күннің ісі болып табылмайды. Ол үнемі сапалы жүргізіліп отырғанда ғана тиісті нәтиже береді, -деді олар. Кездесуге қатысушылар дін саласының мамандарына түрлі сауалдар қойып, оған тиісінше жауаптар алды.

Қайрат ЖАҚЫП


САРЫӨЗЕННЕН ТҮЛЕП ҰШҚАН МИРЖАН МӘСКЕУДЕ ТОП ЖАРДЫ

Күні: , 188 рет оқылды

17620161_257450974664798_8702075105416602112_oСарыөзеннің жағасынан елдің атын шығаратын жас оғландар өсіп келеді. Оларға біз қуана қараймыз. Бостандық ауылының тумасы, бүгінде арнайы әскери қызметте жүрген Миржан Бақтыбаев бауырымыз тек ауданның атын ғана емес, Қазақстанның да мерейін үстем етті. 24-25 наурыз аралығында Мәскеуде әлем кубогі үшін «Мемориал А.А.Харлампиева» 2017 самбодан сайыс өтті. Бұл сайысқа әлемнің 27 елінен 300 спортшы қатысты. Сол сайыста Миржан 82 келі салмақта жауынгерлік самбодан (боевое самбо) қарсыластарын ойсырата жеңіп, 3 орынға ие болып, қола жүлде иегері атанды. 27 елден келген ығайлар мен сығайлардың арасында қарапайым ауылда өскен қара баланың мерейінің үстем болуы – қазақтың үстем болуы. Айтпақшы, Миржан әріптесім Гауһардың ағасы. Бұл Гауһар құрбымның да қуанышы. Миржан, жерлестерің,- алда талай жеңіске жете бер! -деген тілегін жолдайды.

Мөлдір ӘНУАРБЕК


Қазталов ауданы, Шарафутдинов көшесі 13
zhaik_presscenter@mail.ru
aulainasi@mail.ru

"Ауыл айнасы"

"Ауыл айнасы" газетінің бас редакторы: 8-71144-31-4-68
Тілшілер: 31-4-68, 21-3-70
Жарнама бөлімі: 21-0-42

 

.