АЙМАҚ

СПОРТ

ҚОҒАМ

Құттықтаулар

Мұрағат: Декабрь, 2016


МЕРЕКЕ ҚАРСАҢЫНДАҒЫ – ҚОС ҚУАНЫШ

Күні: , 142 рет оқылды

15731836_226658554410707_6809843048379712655_o 15731961_226658737744022_8154226157804981786_o28 желтоқсан күні Жалпақтал ауылдық округінің әкімі Самиғолла Ақмурзин жеке кәсіпкер, «Жиенбай» ЖШС-нің жетекшісі Ахметқали Қарағойшинді, Жалпақтал ауруханасының жалпы тәжірибелі дәрігері, жас маман Ботагөз Сағынованың қабылдады. Кездесу барысында округ әкімі Самиғолла Сафиоллаұлы ауылымыздың өсіп-өркендеуі жолында және кәсіпкерлік саласына қосқан үлесі үшін жеке кәсіпкер Ахметқали Жиенбайұлына облыс әкімі Алтай Көлгіновтың алғыс хатын табыс ете отырып, Жаңа жыл мерекесімен құттықтады. Кездесуде Ахметқали Қарағойшин Жаңа жыл қарсаңында құрмет, қошеметі үшін ризашылығын білдіріп, алғысын айтты. Сонымен қатар кездесуде ауыл әкімі Жалпақтал ауруханасының жалпы тәжірибелі дәрігері Ботагөз Сағыноваға тұрғын үйдің кілтін табыс етіп, мереке қарсаңындағы қоныс тойымен құттықтап, шаңырақтарына береке бақыт тіледі. Қабылдау барысында аудандық ішкі саясат бөлімінің бас маманы Ғалия Ахметова, Жалпақтал ауруханасының бас дәрігері Алмас Тоғайбайұлы, жастардың анасы Айсәуле Қажиева игі тілектерін айтып, жұмыстарына табыс тіледі.

Тұрарбек ҚАЙЫРҒАЛИҰЛЫ


«БАЛДЫРҒАН» БҮЛДІРШІНДЕРІ ЖАҢА ЖЫЛДЫ ҚАРСЫ АЛДЫ

Күні: , 146 рет оқылды

15697427_226432581099971_6758014815028179321_n 15731927_226433057766590_610248761068630826_o27 желтоқсан күні «Нұрбалапан» бөбекжай-балабақшасының «Балдырған» тобында «Келді міне, жаңа жыл» атты ертеңгілік өтті. Ертеңгілікте «Балдырған» тобының бүлдіршіндері әдемі киімдер киіп шығып, өз өнерлерін ортаға салды. Мерекелік әндер мен билер орындап, кештің шырайын аша түсті. Ертеңгілікте «Балдырған» тобының ата-аналары да көрініс қойып, кештің жақсы өтуіне атсалысты. Сондай-ақ Жаңа жылдық кештің басты кейіпкерлері Аяз ата мен Ақшақар келіп, бүлдіршіндердің өнерлерін тамашалап, сыйлықтар ұсынды. Осындай шараның жақсы деңгейде өтуіне себепші болған «Балдырған» тобының тәрбиешілері Айжан Құспанқызы мен Жанат Шұғайқызының еңбектері зор деп білеміз.

Жұлдыз АСҚАР


ПСИХОЛОГИЯЛЫҚ-ПЕДАГОГИКАЛЫҚ ТҮЗЕТУ КАБИНЕТІНДЕГІ ЖАҢА ЖЫЛДЫҚ КЕШ

Күні: , 94 рет оқылды

15675913_226432284433334_1838004105668060128_o 15724612_226432994433263_2597155663684048693_o 15776672_226432427766653_8441955059006961443_o 15776947_226432024433360_3983331345054600326_o27 желтоқсан күні Қазталов орта мектебінде психологиялық-педагогикалық түзету кабинетінің «Төрлет, төрлет жаңа жыл!» атты мерекелік кеші өтті. Кештің мақсаты — мүмкіндігі шектеулі балалар мен жасөспірімдерді мәдени өмірге араластыру және өнерге қызығушылықтарын арттыруға ықпал етіп, қоғамдық өмірге етене қатысуларына қолдау жасау. Шарада психологиялық-педагогикалық түзету кабинетінің меңгерушісі Дилара Салықова барша бүлдіршіндерді және ата-аналарын Жаңа жыл мерекесімен құттықтап, ізгі тілегін білдірді. Шара барысында ескі жыл балаларға өткен жылда болған жақсы жаңалықтармен бөлісіп, саушылық тілеп қоштасса, келіп жеткен Әтеш жылы барша көрермендерге өз тілегін білдіріп, бүлдіршіндермен ойындар ойнады. Аяз ата мен Ақшақар да ортамызға келіп, балалардың қуанышын бөлісті. Балдырған балалардың бірі тақпақтарын оқыса, бірі би билеп өнерлерін ортаға салды. Аяз ата мен Ақшақар да балалар мен ата-аналарына түрлі ойындар ойнатып бір серпілтіп тастады. Сондай-ақ А.Оразбаева мектебінің оқушысы Перизат Жәрдемова мен психологиялық-педагогикалық түзету кабинетінің мұғалімі Жеңіс Хасанов әннен шашу шашып, ата-аналар «Жеті лақ» ертегісін сахналап беріп, балаларға бір шаттық сыйлағандай болды. Шара соңында «Қызыл ай» қоғамдық бірлестігінің төрайымы Салтанат Дүйсенғалиева бүлдіршіндерді мерекемен құттықтап, сыйлықтар табыс етті.

Гауһар ӘДІЛЖАН


АУДАН ӘКІМІНІҢ ЖАҢА ЖЫЛДЫҚ ШЫРШАСЫ

Күні: , 145 рет оқылды

15676283_226395971103632_2779214102406766231_o 15676333_226399674436595_588108571809558092_o 15723451_226396947770201_603828851112212688_o 15774732_226396567770239_7361207434416749734_o 15776815_226396291103600_2218292777950837314_oҚашан да төрімізден орын алатын Жаңа жыл қуаныштары жер бетіндегі барша адамдар үшін ортақ, әсіресе, оның балалар өмірінде алар орны айрықша. Аудан әкімінің дәстүрлі Жаңа жылдық шыршасы биыл да балаларға естен кетпес қуанышын сыйлады.  27 желтоқсан күні Қазталов орта мектебінде аудан әкімінің шыршасы өтті. Бұл мерекеге ауданымыздың көп балалы отбасылары мен әлеуметтік жағдайы төмен отбасылардың және мектепте оқудан жақсы  көрсеткішке жетіп жүрген оқушылар қатысты. Осындай жарқылы мен жарқыны жарасқан мерекеде аудан әкімі Нұрлан Бекқайыр жеткіншектерді мерекемен құттықтап, еліміздің белді азаматтары болып өсулеріне тілектестігін білдірді. Кештің сәнін Ақшақар мен Аяз ата келтірсе, Алдар  Көсе, ескі жыл Мешін, Буратино, Мальвина, Пьеро, Күлше қыз бен Ханзада мерекенің шырайын келтіріп, ертегі кейіпкерлерінің рөлін тамаша сомдады. Ал шырша тойына келген балалар ертегі кейіпкерлерімен, Аяз ата, Ақшақармен бірге  сиқырлы кітаптың жұмбағын  бірлесе шеше отырып, би-билеп, тақпақ айтып, мерекелік шараны одан әрі  қыздыра түсті. Сондай-ақ шыршада әр оқушы өздерінің даярлап келген өнерлерін көрсетсе,  мерекеге әсем де әдемі киінген балаларға арнайы сыйлықтар табыс етілді. Мереке соңында шат-шадыман болған балақайларға мерекелік сый-сияпат пен тәттілер таратылды.

Әсем БОЛАТ


«НҰРЛЫ ЖЕР» ЖОБАСЫ ТАЛҚЫЛАНДЫ

Күні: , 198 рет оқылды

15675644_226345024442060_3082188693158380195_o27 желтоқсан күні аудан әкімдігінің мәжіліс залында аудан әкімі орынбасары Сағынғали Бекжановтың төрағалық етуімен жиналыс өтті. Жиналыста «Нұрлы жер» бағдарламасының жобасы талқыланды. «Нұрлы жер» жобасы бойынша аудандық сәулет, қала құрылысы және құрылыс бөлімінің басшысы Айбек Керешов хабарлама жасады.

«Ауыл айнасы» ақпарат


2017-2019 ЖЫЛДАРҒА АРНАЛҒАН АУДАН БЮДЖЕТІ БЕКІТІЛДІ

Күні: , 196 рет оқылды

15731765_226344194442143_7700427332970924777_o27 желтоқсан күні аудандық мәслихаттың кезектен тыс 8-ші сессиясы өтті. Сессияда ауданның 2017-2019 жылдарға арналған бюджеті бекітілді. Сонымен қатар «Қазталов ауданыныің құрметті азаматы» атағына лайық деген азаматтар да анықталды. Аудандық қаржы және экономика бөлімінің басшысы Жанболат Темірғалиев 2017-2019 жылдарға арналған бюджет туралы қысқаша мағлұмат беріп өтті. -2017 жылға аудан бюджеті 5 миллиард 942 миллион 120 мың теңге болып бекітілді. Оның ішінде өз кірісіміз – 1020 831 мың, субвенция – 3 841784 мың теңге. Республикалық трансферттер – 818 684 мың, облыстық трансференттер – 260 357 мың. 2016 жылдың бекітілген бюджетпен салыстырғанда 28%, ал өз кірісіміз 39,8 % өсіп отыр. Облыстық және республикалық трансферттердің басым бөлігі даму бюджетіне беріліп отыр. Атап айтсақ, Қазталов және Жалпақтал ауылдарын сумен жабдықтауды жалғастыру, Жаңажол, Бостандық, Қайыңды, Ақпәтер, Талдыапан, Сарықұдық, Қайшақұдық және Қособа елді мекендерін сумен қамту жұмыстарын бастауға, -деді Жанболат Серікқалиұлы.

Мөлдір ӘНУАРБЕК


НҰРДОС ЖЕҢІМПАЗ АТАНДЫ

Күні: , 150 рет оқылды

15747759_226337191109510_8453779492128651997_n2016 жылдың 21-23 желтоқсан күндері Орал қаласында КСРО спорт шебері Сайлау Мұқашевтың жүлдесі үшін еркін күрестен 2004-2006 жылғы және 2007-2008 жылғы туылған кіші жасөспірімдер арасындағы ашық республикалық турнир өткізілді. Аталмыш турнирге Қызылорда, Ақтөбе, Атырау, Орал, Тараз, Жаңаөзен қалаларының және Бөрлі, Жаңақала, Ақжайық, Қаратөбе, Алға, Тасқала, Индер, Қазталов, Сырым аудандарынан 300-ге жуық жас спортшылар бақтарын сынады. Осы турнирге Қазталов аудандық орталық балалар-жасөспірімдер спорт мектебінің еркін күрес тобының жас палуандары қатысып, бақтарын сынап қайтқан болатын. Турнир нәтижесінде 23 кг салмақ дәрежесінде Нұрдос Нурболат қарсыластарынан басым түсіп, турнирдің жеңімпазы атанды. Нұрдос алғашқы кездесуінде ақжайықтық палуанды ұтса, екінші кездесуінде оралдық палуанды таза жеңіспен жеңіп, жартылай финалға жолдама алды. Ал, жартылай финалда Орал қаласының мықты палуанын 13:12 есебімен жеңіп, финалға шыққан болатын. Финалда Нұрдос тағы да шеберлігін көрсете біліп, Атырау қаласының палуанын 15:14 есебімен тізе бүктіріп, турнир жеңімпазы атанды. Нұрдостың бойындағы жігері мен намысын қайрап, төзімділікке тәрбиелеп, жеңімпаз атануына өз үлесін қосқан бапкері Мейрам Ғиляжевтің еңбегін атап айтқанымыз жөн.

Қайрат ЖАҚЫП


ЕНДІҒОЙ АНАМЫЗҒА ҚАЙЫРЫМДЫЛЫҚ КӨРСЕТТІ

Күні: , 132 рет оқылды

15698353_226091847800711_8058358943238764594_n«Қайырымдылық жасасаң, қайырымын өзін көрерсің» дегендей жылы жүректі жандарға қайырымдылық жасау — біздің парызымыз. Бүгінгі күнде қайырымдылық айлығынан тыс мекеме-ұйымдар арасында игі іс жасау әлі жалғасын тауып келеді. Осы орайда қайырымдылық айлығы шеңберінде Қазталов аудандық ветеринариялық станциясы жалғызбасты зейнеткер, зағип жан Ендіғой Күнісованың шаңырағына барып, қал-жағдайын білді. Сондай-ақ мекеме-ұжым атынан азық-түліктен және 20 мың теңге қаржылай көмек көрсетті. Зейнеткер Ендіғой анамыз аудандық ветеринария станциясының осындай қайырымды ісіне ризашылығын жеткізіп, ақ батасын берді.

«Ауыл айнасы» ақпарат


АСТАНАДАН ЖЕТКЕН СӘЛЕМДЕМЕ

Күні: , 160 рет оқылды

15675726_1710982309213345_8058413481471595287_o23 желтоқсан күні Жалпақтал ауылдық округ әкімі Самиғолла Ақмурзин ауылымыздағы мектеп, бөбекжай басшыларымен және әлеуметтік сала қызметкерлерімен, кітапхана меңгерушісімен кездесті. Кездесуде округ әкімі Самиғолла Сафиоллаұлы Астанадан ауыл азаматы Замир Садықұлы Сағыновтың арнайы Жаңажылдық сәлемдемесін тарту етті. «Қазына» баспасынан басылған танымдық жасөспірімдерге арналған кітапшалар «Туыстар», «Менің денем», «Ағаштар», «Жануарлар», «Жәндіктер», «Құстар», «Балықтар» болып жеті топқа бөлінген. Бұл тарту-таралғы мектеп жасөспірімдері және балабақша бүлдіршіндері үшін ең пайдалы сый болса керек. Кездесуде мектеп, бөбекжай басшылары жерлесіміз Замир Садықұлының жіберген сәлемдемелеріне зор ризашылықтарын білдіріп, алғыстарын жаудырды.

Тұрарбек ҚАЙЫРҒАЛИҰЛЫ


ҚУАНЫШ ЖАҚЫПОВТЫ ЕСКЕ АЛУ КЕШ ӨТТІ

Күні: , 134 рет оқылды

15591231_224825141260715_4069872442185147234_o 15626484_224825121260717_8235878606217257741_o 15676469_224824731260756_745003069477860271_o22 желтоқсан күні Жалпақтал мәдениет үйінде Қазақстан Республикасының білім беру ісінің үздігі, бүкілодақтық халық фестивалінің лауреаты, Р.Ығылманов атындағы ұлт-аспаптар оркестрінің дирижері, майталман күйші, домбырашы Қуаныш Жақыповты еске алуға арналған «Ұрпағың ұлықтайды, ұмытпайды» атты еске алу кеші өтті. Сазгер ақын, термеші, ауданымыздың құрметті азаматы Баян Құбайқызы жүргізген еске алу кешіне қатысқан аудан әкімінің орынбасары Зәйлім Мәжитова артында өшпестей із қалдырған Қуаныш Жақыповтан тәлім-тәрбие алған шәкірттерін биік белестерді бағындырып, ағамыздың есімі еш уақытта өшпейтінін жеткізді. Сонымен қатар еске алу кешінде Қуаныш ағамыздың үзеңгілес достары айтыскер ақын Дариға Мұштанова, ақын-сазгер Сәрсенғали Бисенғалиев сахна төрінде бірге жүрген күндерін еске алып, күйлері шарықтап, әділдік үшін шырылдап өмір сүрген, артында өшпес із қалдырған Қуаныш Жақыпұлын сағынышпен еске алды. Кеште өзі жетекшілік еткен Р.Ығылманов атындағы ұлт-аспаптар оркестрі, Жалпақтал балалар өнер мектебінің ұстаздары Асылхан Болтанов, Гүлгүл Сәтжанова, Аяжан Құттыбаева, Халиолла Хамзаұлы, «Қыз Жібек» термешілер ансамблі, Айдар Досқалиев, Айзада Қибашева, Құндыз Еренбаева майталман күйші, домбырашыға ән-күйлерін арнаса, Нұркен Қажкенов «Ағамен сырласу» атты өлеңін оқып берді. Қуаныш Жақыпұлы 1951 жылы 3 ақпанла Фурманов ауданы, Балықты ауылдық кеңесіне қарасты Таңат елді мекенінде қарапайым ғана шаруа отбасында дүниеге келген. Орал қаласындағы Құрманғазы атындағы училищесінің дирижер бөліміне түсіп, 1976 жылы тамамдаған соң Қазталов саз мектебінде, 1977 жылдан бастап Жалпақтал балалар өнер мектебінде домбыра сыныбы және ұлттық саз оркестрінен сабақ берген. Қуаныш Жақыпұлының ұстаздық жолы, орындаушылық шеберлігі өз алдына бір төбе. 1982 жылы Қуаныш ағамыз алғаш дирижер болып екінші қырынан танылды. 1988 жылы «Халықтық» атақ қорғады. Ал 1996 жылы Р.Ығылманов атындағы «халықты оркестр» атағын алды. Қуаныш Жақыпұлының арманы сауатты оркестр құру еді. Сол кезден бастап аудан, облыс, республика жұртшылығына танымал болған оркестрдің байырғы мүшелерінің өлшеусіз еңбектері, өнер тарихымызда алтын әріппен жазылары анық. Еске алу кешінде ағамыздың жан-жары Айсұлу Сағитқызы, қызы, әрі шәкірті Әсия Қуанышқызы еске алу кешін ұйымдастырған барша ауылдас ағайындарға ризашылықтарын білдіріп, алғыстары айтты.

Тұрарбек ҚАЙЫРҒАЛИҰЛЫ


Қазталов ауданы, Шарафутдинов көшесі 13
zhaik_presscenter@mail.ru
aulainasi@mail.ru

"Ауыл айнасы"

"Ауыл айнасы" газетінің бас редакторы: 8-71144-31-4-68
Тілшілер: 31-4-68, 21-3-70
Жарнама бөлімі: 21-0-42

 

.