АЙМАҚ

СПОРТ

ҚОҒАМ

Құттықтаулар

Мұрағат: Июль, 2016


«ТӘУЕЛСІЗДІГІМДІ ЖЫРЛАЙМЫН» АТТЫ ПОЭЗИЯ КЕШІ

Күні: , 120 рет оқылды

13613521_1631874360457474_731230209913492038_o 13735170_1631874010457509_8959893675118844079_o 13738273_1631874123790831_3599287465077598951_o28 шілде күні «Достық» саябағында аудандық жастармен жұмыс жөніндегі ресурстық орталығы, Жастар кеңесі және аудандық кітапхананың ұйымдастыруымен «Тәуелсіздігімді жырлаймын» атты поэзиялық кеші өтті. Кеште жас жеткіншектер мен барша поэзия сүйер жастар Тәуелсіздік туралы өлең шумақтарды нақышына келтіре орындап, сонау өткен жылдардың көрінісін көз алдымызға әкелгендей болды. Сондай-ақ аудандық мәдениет қызметкерлері әннен шашу шашса, викториналық сұрақтар да қойылды. Ал, аудандық кітапхананың ұйымдастыруымен көрме көрсетіліп, кітапханашылар жаңа оқулықтарды таныстырып өтті. Ауылдағы жаңа отау құрып жатырған жастар арнайы келіп, поэзия кешінің куәгері болды. Кеш соңында шараға белсене қатысқан жастарға алғыс хат табысталды. Сөйтіп жаздың тамылжыған кеші өлеңмен өрнектелді.

Әсем БОЛАТ


БҮЛДІРШІНДЕР ЕРТЕГІ ТЫҢДАП, МӘЗ БОЛЫП ҚАЛДЫ

Күні: , 108 рет оқылды

13708346_1631350797176497_2228168906523211600_o28 шілде күні «Нұрбалапан» бөбекжай балабақшасының «Балдырған» А.Құспанова, «Болашақ» Н. Мұхтарова, «Алпамыс» А. Сармалаева жетекшілік ететін топтағы бүлдіршіндер аудандық кітапхананың балалар бөліміне келіп, «инновациялық қалам» құралы арқылы қызықты ертегілер тыңдап, мәз болып қалды. Сондай-ақ олар аудандық мұражайға барып, жинақталған жәдігерлерді де көрді. Күні ертең мектеп қабырғасына барғанда кітапхананың тұрақты оқырмандары осылар болатыны сөзсіз.

Әсем БОЛАТ


«НҰР ОТАНДАҒЫ » ҚАБЫЛДАУ

Күні: , 194 рет оқылды

13735170_1630066180638292_80655892808696483_o25 шілде күні «Нұр Отан» партиясы аудандық филиалының төрағасы, аудан әкімі Нұрлан Бекқайыр тұрғындарды қабылдады. Қабылдауда болған тұрғындар Г. Мақашева, Р. Мәжімова, Б. Сариева, Е. Қайлюкенов тұрғын үй және жұмысқа орналастыру жөніндегі өтініштерін айтты. Партия филиалының төрағасы айтылған өтініштер бойынша шешудің жолдарын салалық мекеме жетекшілеріне тапсырды. Бұдан кейін аудан әкімі «Нұр Отан» партиясы аудандық филиалы қызметкерлері мен аудандық жастармен жұмыс жөніндегі ресурстық орталығының басшысы Нұрлан Кенжинмен кездесіп, ел Тәуелсіздігінің 25 жылдық мерекесіне орай округтердегі елді мекендерге «Тәуелсіздік – тұғырым» атты акция ұйымдастыру мәселесін талқылады.

Гауһар ӘДІЛЖАН


РЕСЕЙДЕН КЕЛІП ҚАЗАҚША КІТАП ОҚУДА

Күні: , 108 рет оқылды

13692868_1629983527313224_2023862720348404217_oБайырғы Қазталов ауылы сан ұлттардың тату-тәтті мекені болып келді. Осыдан жарты ғасыр бұрын аудан орталығында түрлі ұлт өкілдері тұрды. Иә, қазіргі күнде түрлі себептермен бұл ұлт өкілдерінің пайыздық көрсеткіштері төмендегені шындық. Дегенмен әлі де қазақ болып кеткен басқа ұлттың ағайындары бақытты өмір сүруде. Соның бірі — Валентина Уварова апамыз. Қазақша сөйлеп кеткенде шүлдірлеп сөйлейтін шала қазақтарды орта жолда қалдыратын апамызды ауыл тік тұрып құрметтейді десек, артық емес. Тіпті апамыз ауылда ата-анасынан айырылған қазақ балаларына өкіл ана болып, оларды ер жеткізгенін де білеміз. Сол қазақ балалары бүгінде бір-бір үйдің иелері Валя апамыз 80 жасқа толған тойын атап өтуге қатысты. Міне, бұл бауырмалдық, ұлы достық деуге болады. Ендігі айтпағымыз — апамыздың ұл-қыздары сонау Ресейдің орталықтарында тұрып жатыр. Бірақ олар жыл сайын өздерінің кіндік қаны тамған жерге келіп, бір аунап кетеді. Тек өздері ғана келіп қоймайды, балаларын да ерітіп келеді. Соның айғағындай жақында Валя апаның Иваново қаласынан қызы Надежда, Түмен қаласынан келіні Елена ұл-қыздарымен келіп, үлкен шаңырақты қуантып тастады. Ал, олар шаңырақта ғана болып қоймай, рухани орталық кітапханаға келуді де жыл сайын дәстүрге айналдыруда. Кітапхананың балалар бөліміне келіп, бүлдіршіндері Виктория мен Дениске қазақ тіліндегі кітаптарды оқытып, таныстырды. Надежда айтады: — мына үшінші сыныпқа көшкен қызым Виктория мен ағамның ұлы Дениске және жеңгем Еленаға біздің кіндік қанымыз тамған туған жерді таныстыру болса, екінші жағынан қазақ деген дархан да, кеңпейіл халықтың бай тілін, әдет-ғұрпынан да таныстыру болатын. Өйткені жолдасым да Қазталов ауылында туып өскендіктен екеуіміз қазақ тілін жақсы білсек те , балаларымыз бұдан бейхабар ғой. Келгеннен бері Елена, Денис, Виктория да қазақтың кейбір сөздерін үйреніп қалды. Ал, үйде анамыз Валя қонаққа келген немере-жиендеріне қазақша сөздер айтып қала береді. Үйреніп қалған дағды ғой,- деп Надежда бір күліп қойды. Кітапханада Денис пен Виктория бар ынталарымен кітапханашы апаларынан қазақ тіліндегі кітаптарды алып, мазмұнын қызыға сұрап жатқанын байқадық. Осындай көріністі көргенде достықтың тіні жалғаса беретініне көзіміз жетті.

Әсем БОЛАТ


«ҚЫЗ ЖІБЕК ПЕН ТӨЛЕГЕН» ҚАЗТАЛОВТА

Күні: , 196 рет оқылды

13641061_1629939187317658_8615802302866201708_o 13724043_1629939383984305_864109396758211441_o 13765936_1629939437317633_2355291788927389578_oҚұман Тастанбеков — ҚР халық әртісі. Кинодағы ең алғашқы рөлі — «Қыз Жібектегі» Төлеген. Одан кейін әр жылдары “Қыс — мазасыз маусым”, “Ағам менің”, “Ерекше күн”, “Аққулар ұшып келеді”, “Махаббат жаңғырығы”, “Алаң шеті”, “Өрнек”, «Аққыз» және т. б. фильмдерге түскен. Театрда Ш Айтматовтың «Ана — Жер-анасында» Қасымды, Ә.Нұрпейісовтың «Қан мен терінде» Тәңірбергенді, М.Әуезовтың «Айман — Шолпанында» Наршаны, О.Бөкейдің «Құлыным меніңінде» Жанды, Э.Эрвенің «Түлкі бикешінде» Флоридорды, Н.Хикметтің «Фархад — Шырын» қойылымында Фархадты ойнап, сахнада сан алуан бейнелер шоғырын қалыптастырды. Меруерт Қаратайқызы Өтекешова — кино және театр актері, Қазақстанның еңбек сіңірген әртісі. . Алматыдағы 66-мектепті бітіріп, сол жылы «Қыз Жібек» кинофильмінің басты кейіпкері рөлін ойнауға шақырылған.КСРО Халық әртісі Х.Бөкееваның класында дәріс алған. М.Әуезов атындағы қазақ мемлекеттік академия драма театрында артистік театрдағы алғашқы рөлі Ш.Айтматовтың «Ана-Жер-Ана» спектакліндегі Әлиман рөлін сомдаған. Өнер жұлдыздары Құман Тастанбеков пен Меруерт Өтекешова туралы айтылар әңгіме қашанда «Қыз Жібектен» басталатынына еш таңқалудың қажеті жоқ. Солай болуы заңды да. Жарты ғасырға жуық шығармашылық өмірінде кино мен театрда түрлі образдардың галереясын жасаған. 24 шілде күні Меруерт Өтекешованың ата-анасының туған жері Жәнібек ауданынан келе жатып, « Төлеген мен Қыз Жібек» Қазталов ауданына аялдады. Аудан әкімі Нұрлан Бекқайырдың қабылдауында болғанда ел Тәуелсіздігінің 25 жылдық мерейтойында мәдениет пен өнерде жеткен табыстар туралы әңгіме айтылды. Бұдан кейін кино өнерінің саңлақтары өнер сүйер жұртшылықпен кездесті. Кездесуде олар өнердегі кезеңдер туралы айтса, жұртшылық Құман Тастанбеков пен Меруерт Өтекешованың қазақ мәдениетіне қосқан үлестері туралы жылы лебіздерін білдірді. Бұл кездесуде Баян Қабиеваның шәкірттері кино жұлдыздарына өз өнерлерінен шашу шашты. Домбырамен асқақтата салған әнге риза болған олар,- жас өнерпаздарға болашақта өнердің биігінен көріне беріңдер! — деген ақ тілектерін айтты. Осындай жылы шырайлы кездесу үшін өнер майталмандары рахмет айтып, ауданымыздың одан әрі дами беруіне тілектерін жеткізді.

Әсем БОЛАТ


АУЫЛЫМЫЗДЫҢ МЫҚТЫЛАРЫ АНЫҚТАЛДЫ

Күні: , 135 рет оқылды

13723992_1629268874051356_1241280941734898905_o23 шілде күні ел Тәуелсіздігінің 25 жылдығына орай жастар демалыс орталығында аудандық жастармен жұмыс жөніндегі ресурстық орталығы және аудандық жастар кеңесінің ұйымдастыруымен ауыл тұрғындары арасында пауэрлифтингтен «Народный жим» атты зілтемірді жатып-сығып көтеру әдісі бойынша ашық турнирі оздырылды. Қызықты өткен жарыс нәтижесінде 60 келі салмақ дәрежесінде Мейрам Ғиляжев 1 орынға, Әділбек Ғазиз 2 орынға, Мәрлен Нағым 3 орыға ие болса, 77 келі салмақ дәрежесінде Амангелді Ғазизжанов 1 орынды, Айбол Ғұбашев 2 орынды, Абзал Елтаев 3 орынды жеңіп алды. Ал, 90 келі салмақта сайысқа түскен тұрғындар арасында Дәулет Ажғалиев 1 орынды, Алтынбек Бекболатов 2 орынды және Жүніс Жолдыбаев 3 орынды өз қанжығаларына байлады. Жүлделі орын алған тұрғындарға алғыс хаттар мен естелік сыйлықтар табыс етілді.

«Ауыл айнасы» ақпарат


БАУ-БАҚШАСЫН БАПТАҒАН ҒАРИФОЛЛА АҒА!

Күні: , 230 рет оқылды

13719474_1629061564072087_2711810792200566761_o 13725003_1629061420738768_3314414362619731164_o 13735694_1629061604072083_9058914288593539420_oҚазіргі күнде қай жерде болмасын дүкен сөрелерінде жеміс-жидектердің түр-түрі самсап тұр. Тіпті, керек десеңіз олардың ішінде жеуге жарамдысы да бар, жарамсызы да бар. Жазғытұры болғасын жерде ауыл тұрғындары күнделікті тамақты қияр мен қызанақсыз елестете алмайды. Ал, осыларды алайын десе, дүңгіршіктердегі баға қарыштап тұр. Бүгінгі күнде адамдар ата-бабаларымыз сияқты мал өсіріп, егін егіп, бау-бақша баптап өсірсе нағыз еңбектің дәмін сезер еді. — Еңбек етсең бәрі де болады, — деген қағиданы ұстанған біздің кейіпкеріміз Ғарифолла аға бүгінде еңбегінің жемісін көруде. Қазталовтық Ғарифолла Ғаббасов 2014 жылы «Жұмыспен қамту -2020» бағдарламасымен 1,5 млн несие алып, бау-бақша өсірумен айналысады. Сол жылдан бастап ағамыз бақша дәндерін егіп, өз жұмысын бастап кетеді. — Мен осы кәсіппен айналысқаныма 2 жылдың үстінде уақыт өтті. Жазғы мезгілде ағайындарымның балалары мен өз қыздарым келіп, аптасына 2-3 рет көместесіп отырады. Әрине, бақшаны баптап өсіру оңай шаруа емес. Оның қалай күтсең, саған да солай дәмін сездіреді. Айналысындағы арам шөптерін жұлу, әлсін-әлсін суарып тұру – барлығы да үлкен жауапкершілік пен ерінбей еңбектенуді қажет етеді. Қазіргі күнде бақшамда қияр, қызанақ, сәбіз, картоп, қызылша, асқабақ, қауын, қарбыз, күнбағыс, пияз тағы да басқа өнімдер өсуде. Осыларды күн-түн демей қарап тұру үшін, өзіме жазда тұруға ыңғайлы кішкентай үй салып алдым. Жаз бойы бау-бақшамыздың қасында болып, оны күтіп баптауға бар күш-жігерімді жұмсаймын, -дейді Ғарифолла ағамыз. Иә, Сарыөзеннің жағасында орналасқан бұл жер – нағыз табиғаттың мекені деуге болады. Себебі, айналысында құстардың сайраған әндері мен самал жел соққан өзеннен жанына рухани ләззат аласың. Тіпті, тамылжыған табиғат аясынан өлеңге деген құштарлығын оянып, тұншыққан өмірден өзіне бір сая табатындайсың. Міне, Сарыөзеннің жағасын бау-бақшасына мекен еткен Ғарифолла ағамыз бен Нұржамал апамыздың жылы шырайлы жүздеріне таңдана қарадық. Туған өлкенің қара топырағымен нәр алып жатқан жемісінің дәмін татқан қандай ғажап десеңші?! Нағыз тәтті өмірдің дәмі де осы шығар!

Жұлдыз АСҚАР


ҚАЗТАЛОВТЫҚТАР ЖАЛПАҚТАЛДЫҢ ТӨРІНДЕ

Күні: , 142 рет оқылды

13692954_1628983664079877_2237723745799785978_o 13724821_1628983627413214_5428033143531145319_o 13731892_1629000367411540_8834138908322420226_o 13738277_1628983420746568_8490604458735266121_oЖайма шуақ жаздың жайдарлы күнінде қазталовтық өнерпаздар «Бейбітшілік пен келісімнің жол картасы» мегажобасы аясында жалпақталдық ағайындарға керемет кеш сыйлады. Кеште мәдениет үйінің көркемөнерпаздарының орындауындағы әсем әндер шырқалса, «Қарлығаш» халықтық би ансамблінің мың бұралған билері де көрермендерге ұсынылды. Нағыз өнердің құдіретін ұға білген жалпақталдықтардың көтеріңкі көңіл күй сыйлаған аудан өнерпаздарына деген қошеметтері де көбірек болды. Кеш соңында Қазталов ауылдық округі әкімінің орынбасары Айбек Керешов, Жалпақтал ауылдық округінің әкімі Самиғолла Ақмурзинге «Бейбітшілік пен келісімнің жол картасы» мегажобасының эстафетасын табыстап, -екі орталықтың арасындағы ынтамақтастығымыз, достығымыз үзілмей, тәуелсіздік пен егемендікті нығайту мақсатында бірге жұмыс жасайық!, — деген тілегін білдірді. Жалпақтал ауылдық округінің әкімі Самиғолла Ақмурзин көп балалы ана Мейрамгүл Жасмұханбетоваға «Күміс алқа» табыс етті. Мейрамгүл Смағұлқызы — өте еңбекқор ана. Бүгінде жолдасы екеуі «Өрлеу» бағдарламасымен несие алып, кәсібін өрге домалатып отырған жанұялардың бірі.  Салтанатты шарада аудандық аналар кеңесінің төрайымы Нұрия Хабибуллина, Қазталов ауылдық округі әкімінің орынбасары Айбек Керешов сөз алып, елімізде осындай ақ жаулықты аналарымыз аман болып, қоғам тұтқасының берік болуы үшін күш-жігерлеріңіз мықты болсын!, -деген лебіздерін білдірді. Расында да Әйел-Ана, ол – бүгінгі қоғамның тұтқасы. Егерде нәзік жандыларымыз рухани әлсіз болса, онда бүкіл қоғамымыздың әлсіреуі болып табылады. Сондықтанда біздің аналарымыздың күш-қуаты мықты болсын! Ақ жаулықты аналарымыз аман болсын!

Жұлдыз АСҚАР


КЕЛЕР ЖЫЛЫ ЖАЛПАҚТАЛДЫҢ 200 ЖЫЛДЫҒЫ АТАП ӨТІЛМЕК

Күні: , 128 рет оқылды

13710659_1628603460784564_3675036060978133399_o22 шілде күні аудан әкімінің орынбасары Зәйлім Мәжитованың төрағалық етуімен келер жылы Жалпақтал ауылының ірге тасының қаланғанына 200 жыл толуын атап өту үшін құрылған комиссияның мәжілісі өтті. Мәжілісте тарихи датаны атап өту үшін мұражай жасақтау, ескерткіштерді жаңарту, тарихтағы «Жалпақтал базарын» қалпына келтіру, республикалық деңгейдегі ақындар айтысын өткізу және басқа да мәдени шараларды ұйымдастыру жұмыстары талқыланды. Мәжілісте комиссия мүшелері ой-пікірлерін ортаға салып, ұсыныстарын жеткізді. Комиссия мәжілісінен кейін аудан әкімінің орынбасары жеке тұрғындарға қабылдау жасады.

Жұлдыз АСҚАР


ЖӨНДЕУ ЖҰМЫСЫНЫҢ АЯҚТАЛУ МЕРЗІМІ – 25 ТАМЫЗ

Күні: , 170 рет оқылды

13661869_1627608004217443_874920727928795343_o 13734986_1627608070884103_1390816647123283068_o 13737464_1627607910884119_3119315511267539561_oАуданымыздағы Тереңкөл ауылдық округінің орталығы Нұрсай ауылығындағы жалпы білім беретін орта мектеп 30 жылдан астам уақыттан бері күрделі жөндеуден өтпеген еді. Осы жылдар аралығында облыс, аудан басшылықтарының алдына талай рет мәселе етіп те қойылды. Түрлі себептермен күрделі жөндеу жұмысы кейінгіге ысырылып қалып жүрді. Биыл аудан әкімі Нұрлан Бекқайыр халық алдындағы есепті кездесуінде қалайда үстіміздегі жылы бұл мектепті күрделі жөндеу жоспарына енгізетінін уәде еткен болатын. Қазіргі күнде бұл жұмыс атқарылып жатыр. Құрылыс жұмыстарына бюджеттен 162 млн. 636 мың теңге қаражат бөлініп, «Батыс Строй» ЖШС жөндеу жұмысын жүргізуде. Құрылыс жұмыстарына 60-қа жуық жұмысшы тартылса, соның 27-сі «Жұмыспен қамту – 2020» бағдарламасының бірінші бағыты бойынша жұмысқа тартылып отыр. Бір айдан бері атқарылып жатырған жұмыстардың сапасын бақылау мақсатында 20 шілде күні аудандық қоғамдық кеңес және «Нұр Отан» партиясы аудандық филиалының фракция мүшелері Нұрсай ауылында болып қайтты. Өкілдердің байқағанындай жөндеу жұмысы қарқынды жүруде. «Батыс Строй» ЖШС жетекшілерінің айтуынша жөндеу жұмыстары тамыздың 25- не дейін бітетін болады. Көзіміз көргендей жөндеу жұмыстары сапалы атқарылуда. Сондай-ақ құрылыс материалдарының да сапасы жақсы екені көрініп тұр. Қоғамдық ұйымдардан барған өкілдер жөндеу жұмысын жүргізіп жатырған құрылысшыларға өз кеңестерін берді.

Әсем БОЛАТ


Қазталов ауданы, Шарафутдинов көшесі 13
zhaik_presscenter@mail.ru
aulainasi@mail.ru

"Ауыл айнасы"

"Ауыл айнасы" газетінің бас редакторы: 8-71144-31-4-68
Тілшілер: 31-4-68, 21-3-70
Жарнама бөлімі: 21-0-42

 

.