АЙМАҚ

СПОРТ

ҚОҒАМ

Құттықтаулар


ВОЛЕЙБОЛДАН ЖАРЫС ӨТТІ

Күні: , 76 рет оқылды

Салауатты өмір салтын қалыптастыру, спортпен шұғылдану – деніміздің сау болуының негізгі кепілі. Осы мақсатта Жалпақтал ауылындағы аудандық спорт мектебінің залында спорт күні мерекесіне арналған мекемелер арасында волейболдан жарыс өтті. Волейбол спорттың командалық түрі. Жарысқа Жалпақтал ауылындағы бірқатар мекеме командалары қатысты. Жарыстың бас төрешісі аудандық спорт мектебінің директордың орынбасары Жанболат Нұрқашев жарысқа қатысушы командаларға сәттілік тіледі. Тартысты бәсекеде командалар бар шеберлікте көрсетті. Шабуыл жасалып, қорғанысқа да шыққан мемлекеттік қызметшілер өз командалары үшін аянып қалмады. Қызу тартысты өткен жарыстың нәтижесінде Жалпақтал ауылындағы «КазТрансГазАймақ» командасы 1- орынды иеленді. Жалпақтал ауылдық округі әкімшілгі командасы 2-орынды алса, аудандық спорт мектебінің командасы 3-орынға табан тіреді. Жеңімпаздар мен жүлдегерлерге дипломдар табыс етілді.

Аман ЕСЕН


АУЫЛ ТҰРҒЫНДАРЫМЕН КЕЗДЕСТІ

Күні: , 74 рет оқылды

Қазталов аудандық сотының төрағасының міндетін атқарушы Ұ.С.Мұханғалиева Бостандық және Бірік ауылдық округінің мәдениет үйінде мекеме өкілдерінің, ауыл тұрғындарының қатысуымен кездесу өткізді. Ұмсын Мұхангалиева Қазақстан Республикасы Жоғарғы сотымен Қазақстанда билер кеңесін қайта құру идеясын ұсынылғанын, билер кеңесінің жаңғыруы — халық арасында ұсақ-түйек кикілжіңдер мен өзара дауларды шешудің ең тиімді амалы болып табылатынын айтты. Билердің мәселелердің мәнін айқындау өнеріне, екі жақтыда байыппен тыңдау шеберлігіне және де әр дауды шешу үшін табылатын дұрыс та, дана сөздері кез-келген заманауи судьяны қызықтырары сөзсіз. Олардың философиялық ойлау қасиеттері діни сауаттылыққа, имандылыққа негізделгендігі сонша, олар адамның іс-әрекетінен, ой-өрісінен жақсы мен жаманды, дұрыс пен бұрысты шебер ажырата білген. Істің ақиқатына жетіп, адамдарды келістіру өнерімен келер ұрпаққа үлгі болған, татулықты насихаттаған билеріміздің есімдері әлі де ел аузында. Егер де осындай адамдар пайда болса Қазақстан қоғамында көп нәрсе өзгерері анық. Шынайы, кәсіби билердің қоғамдық сананың өзгеруіне, менталитетіне зор ықпалын тигізетіні көп айтылуда. Қазіргі заманға жетіспей тұрған даулы сұрақтарды шешетін адами құндылықтарға бағытталған жаңа деңгей қалыптасар еді. «Билер кеңесін» құру жөнінде ауданның және ауылдық округтар халқына түсіндіру жұмыстары жүргізілуде екенін, көпшіліктің ұсыныстары негізінде, әр ауылдық округтерден Билер кеңесіне лайықты тұлға сайлануының қажет екенін түсіндірді. Өз кезегінде ауыл тұрғындары ел ішінде беделі салмақты, аузы дуалы қариялар, сөзбен жанжалды ажырата алатын, бұрын абыройлы қызмет атқарған, қазір зейнеткерлік жаста жүрген ел ағалары, ауыл ақсақалдары бар екенін, Билер кеңесі дау-дамайды шешіп, бітімгершілік туын желбіретіп, тентекті тезге салып отырса, неге құптамасқа- деген ұсыныстарын білдірді. Сондай-ақ кездесуге қатысқан аудандық соттың кеңсе меңгерушісі Р.Қаженов сот жүйесінің жұмысына енгізілген заманауи технологиялар жайлы, «Сот кабинеті» сервисінің жұмысы туралы, аталған сервиске енгізілген жаңа қызметтер жайында айта келіп, «Сот кабинеті» сервисін мүмкіндігінше кеңінен қолдануға шақырды.

Гүлнұр ҚАЗБЕК


«СПОРТ КҮНІ» АТАЛЫП ӨТТІ

Күні: , 28 рет оқылды

Елбасымыз Нұрсұлтан Назарбаевтың 2003 жылдың 15 қарашасындағы Жарлығына сәйкес елімізде «Спорт күні» кәсіби мерекесі тамыз айының үшінші жексенбісінде жыл сайын аталып келеді. Осы орайда 19 тамыз күні Қазталов ауданы орталығында спорт күніне арналған мерекелік шаралар оздырылды. Аудан спортшыларының кәсіби мерекесі күні көпшілік эстафеталық жүгіру старт алып, жүгіруге аудан орталығындағы мекеме ұжымдары, аудан тұрғындары жаппай қатысты. Орталықтағы Шарафутдинов, Садықов, Желтоқсан, Ихсанов, Оразбаева көшелері арқылы жүгіріп өткен көпшілік орталық алаңға жетіп таңғы жаттығу жасады. Мерекелік шараға қатысқан аудан әкімі Абат Шыныбеков аудан спортшыларын кәсіби мерекемен құттықтап, спорттық жарыстарда ауданымыздың намысын асқақтатып жүрген бір топ спортшыларды алғыс хаттармен марапаттады. Сонымен қатар шарада аудандық мәдениет, тілдерді дамыту, спорт және дене шынықтыру бөлімінің басшысы Досжан Ахметов жас спортшыларға алғыс хаттар табыстаса, «Айбын» спорт клубының атынан көпшілік жүгіруге қатысқан ең жас және ардагер спортшылар марапатқа ие болды. Спорт күніне арналған шара «Достық» саябағында жалғасын тауып, жағажай волейболы мен шахмат сайыстарына ұласты.

Қайрат ЖАҚЫП


ҚАРАӨЗЕНДЕ ШАҒЫН ФУТБОЛ АЛАҢЫ АШЫЛДЫ

Күні: , 28 рет оқылды

Елордамыз Астананың 20 жылдығы және спорт күні мерекесі қарсаңында Қараөзен ауылдық округінің орталығында шағын футбол алаңы пайдалануға берілді. Спорт алаңының ашылу салтанатында сөз алған аудан әкімінің орынбасары Нұретдин Құтқожин Елбасымыздың халықтың дене шынықтырумен және спортпен жаппай айналысуы үшін спорттық инфрақұрылымдардың қолжетімділігін кеңейту тапсырмасының кезең-кезеңмен орындалып отырғанын жеткізді. Өз кезегінде сөз алған спорт ардагері Замир Шәкірұлы, «Ақпәтер құрылыс жол» ЖШС басшысы Оралбек Дүйсенғалиев сөз сөйлеп, жиналған спорт сүйер қауымды, ауылдастарды құттықтады. Алаңның құрылысына «Өңірлерді дамыту» бағдарламасы бойынша аудандық бюджеттен 9 млн. теңге бөлініп, жанкүйерлер отыратын орындықтар, қақпа, жасанды төсеніш төселіпті. Жаңа шағын футбол алаңында Жалпақтал Талдыапан, Ақпәтер, Жаңажол, Қараөзен ауылдық округтері арасында жасақталған командалар арасында футболдан жарыс жалауын желбіретті.

Тұрарбек ҚАЙЫРҒАЛИ


РУСЛАН – «КҮРЕҢ БЕРЕТ» КИДІ

Күні: , 62 рет оқылды

Осыдан 2 жыл бұрын Бостандықтан түлеп ұшқан Миржан Бақтыбаев Мәскеуде өткен боевое самбодан(қарусыз қорғану) өткен халықаралық жарыста 3-інші орын алып, ауданымыздың мәртебесін бір көтеріп тастаған еді. Ержүректілікті, мықтылықты, шыдамдылықты, ептілікті, жылдамдықты қажет ететін осы бір күрес түрінен Сарыөзеннің жағасында орналасқан қазақи ауылдан мықтының шығуы некен-саяқ. Бірақ топты жарып шықты. Енді міне соның жалғасындай 1989 жылғы Руслан Жасұланұлы Кенжеғалиев арнайы мақсаттағы бөлімдер арасында «әскердің элитасы» деп аталатын «Бүркітте» күрең береттілер қатарына өтті. Биылғы сынақ тапсыруға 102 әскери қызметкер өтініш білдірсе, олардың 66-сы іріктеліп алынған. Оның ішінде 9 мықты деген жігіт сынақтан өткен.Сол тоғыздың бірі – Руслан. Күрең берет – қайсарлықтың белгісі, ал кеуде белгісі кәсіби шеберліктің нышаны болып табылады екен. Сондықтан күрең берет алу мен кеуде белгісін алу жасақ жауынгерлеріне үлкен абырой. Үміткерлер 5 күн бойы бірнеше ауыр сынақ тапсырса,соның ішінде 75 шақырымды жүріп өтеді. Және салмағы 25 келі болатын қару-жарақ салынған жәшіктерді көтеріп, кедергілерден өту қажет екен. Ал соңғы сынақта бұған дейінгі жылдары күрең берет киген әріптестерімен жекпе-жекке шығатын көрінеді. Сөйтіп осындай сынақтардан өткен жерлесіміз Руслан өзі армандаған «күрең беретті» киді. Ол осы кезге дейін Атырау қаласындағы әскери қалашықта қызмет істеген. Русланға алдағы уақытта зор биіктерден көрініп, Отанды қорғаудың нағыз үлгісін көрсетуге және өзіндей шәкірттері ауданымыздан шыға беруіне оқырмандар атынан тілек білдіреміз.

Серік ЖҰМАҒАЛИЕВ


ПАЛУАНДАР ЖҮЛДЕЛІ ОРАЛДЫ

Күні: , 74 рет оқылды

21 шілде күні Орал қаласында Елбасының «Болашаққа бағдар: Рухани жаңғыру» мақаласын жүзеге асыру мақсатында және «Спорт-нашақорлыққа қарсы күрес» ұранымен қазақ күресінен 2006-2007 жылы туылғандар мен 2009-2010 жылы туылған жасөспірімдер мен кадеттер арасында қалалық ашық турнир өтті. Ауданымыздан жасөспірімдер қатысып, жүлделі орындарға ие болды. Атап айтқанда, Елгезек Жасталап пен Ершат Омарғали 26 келі салмақ дәрежесінде, Ербақыт Батырғали 23 келіде және Мейрамбек Батырбек бауырымыз 29 салмақ дәрежесінде 3 орынды иеленіп отыр. Жас палуандарды күреске баулып жүрген жаттықтырушы Орақ Хабибуллиннің еңбегі зор. Ал жаттықтырушы Ерасыл Фатиховтың оқушылары Ұлан Жасенов 35 келі салмақ дәрежесінде 2 орынды алса, Ескендір Қайыржанов 38 салмақ дәрежесінде 1 орынды иемденіп, ауданымыздың атын тағы бір белеске көтерді. Ауданымыздың атын шығарып жатқан жас палуандардың алар асуы мол, бағындырар белесі көп болсын дейміз.

Жұлдыз АСҚАР


390 ШАҚЫРЫМДЫ МЕЖЕЛЕДІ

Күні: , 60 рет оқылды

Өткен апталарда ауданымызда «Күміс шабақ – 2018» облыстық велошабондаздарының жарысы өткені белгілі. Жарысқа қатыстан Ақжайық, Бөрлі, Бөкей Ордасы, Жəнібек, Зеленов, Казталов, Тасқала аудандары мен Орал қаласының командасы қатысқан бірінші дəрежелі қиындықтағы велосипедшілер жорығы сапар барысында 390 шақырым жол жүріп өтті. Веложорықшылар сапында біздің ауданымыздан Алма Оразбаева атындағы орта мектептің жоғары сынып оқушылары Дастан Бектұрғанов, Алинұр Амангелдиев, Əнуар Өтепов, Мөлдір Жасқаламова болды. Аудандық балалар-жасөспірімдер туризмі және экология орталығының қосымша білім беру педагогі Ақжан Қуаныш жетекшілік еткен болатын. Осыншама жолды жүріп өткен шабандоздарымызға «жарайсыңдар!» дейміз.


ОБЛЫСТЫҚ «КҮМІС ШАБАҚ – 2018» ЖАС ВЕЛОСИПЕДШІЛЕР САЙЫСЫ АУДАНЫМЫЗДА ӨТУДЕ

Күні: , 78 рет оқылды

9 шілде күні Қазталов ауданында облыстық балалар мен жасөспірімдер туризмі және экология орталығының ұйымдастыруымен Астана қаласына 20 жыл толуына орай ұйымдастырылған велосипед туризмі техникасынан облыстық «Күміс шабақ – 2018» жарысы өз жалауын көтерді . Туризм – мемлекет жарнамасы. Соның ішінде балалар жасөспірімдер туризмі – ішкі туризм мен туристік мәдениетке тәрбиелеудің негізі болып табылады. Балалық шақтан бастап түрлі туризм түрлерімен айналысу – бала бойындағы азаматтылықты, ұлтжандылықты, мейірімділікті туристік мәдениет арқылы көрсетуге мүмкіндік береді. Ал бүгінде ауданымызда өтіп жатқан оқушылар арасындағы велосипед туризмін, Елбасының ішкі туризмді дамыту жөніндегі салуатты өмір салтын насихаттау мақсатындағы облыстық «Күміс шабақ – 2018» велосипедшілер сайысына 9 аудан командасы қатысуда. Атап айтсақ, Ақжайық, Бөкей Ордасы, Бөрлі, Жәнібек, Зеленов, Қазталов, Қаратөбе және Тасқала мен Орал қаласының командалары. Сондай-ақ, веложорық қатысушылардың туристік шеберліктерін жетілдіру және веложорық қауіпсіздігін арттыру міндеттерін көздеуде.Үш күнге созылатын жарыс 3 кезең бойынша қатысушылардың жылдамдықтары мен ептіліктерін сынға салатын болады. Облыстық «Күміс шабақ – 2018» велосипед туризмі техникасы жарысы «Мәнерлеп жүру», «Триал», «Велобағдарлау» қашықтығынан өту кезеңдерін қамтиды. Облыстық жарыстың ашылу салтанатында алғашқы сөз кезегін алған аудан әкімінің орынбасары Зәйлім Мәжитова жарысқа қатысушыларға жылы лебіздерін білдіріп, қатысушыларға сәттілік тіледі. Содан соң педагогика ғылымдарының кандидаты, облыстық балалар мен жасөспірімдер туризмі және экология орталығының директоры Виктор Фомин сөз сөйлеп, аталмыш жарыстың оқушылар арасында достық қарым-қатынасты нығайтатындығына сенім білдірді.

Гүлнұр ҚАЗБЕК


ЖАҢАЖОЛДА ЖАҢА ФУТБОЛ АЛАҢЫ

Күні: , 74 рет оқылды

Бұқаралық спорт түрлерін дамыту мақсатында билік пен жергілікті кәсіпкерлер жан – жақты қолдау көрсетіп, жаңа спорт аландарын салуда. Осындай игі бастама ауданымыздың Жаңажол ауылында Елордамыздың 20 жылдық мерекесі қарсаңында көрініс тапты. Жылма-жыл аудандық бюджет есебінен округ орталықтарында шағын футбол алаңдарын салынуда. Биылғы жылдың өзінде аудандағы бұл төртінші футбол алаңы. Шағын футбол алаңы «КазСтрой» ЖШС-нің басшысы Қайрат Мұсағалиев «Өңірлерді дамыту» бағдарламасы бойынша 9 млн теңге қаражатқа салып берді. Ауылдың қақ ортасында орналасқан шағын футбол алаңында спортпен айналысамын деушілерге шектеу жоқ. Салтанатты сәтте сөз алған аудан әкімі Абат Шыныбеков Астананың 20 жылдық мерекесі қарсаңында ауылға жасалған сый деп бағалады. Сонымен қатар аудан басшысы Жаңажол ауылында атқарылып жатқан жұмыстарға тоқталып өтті. -Биылғы жылы Көктерек, Болашақ, Қайыңды ауылдық округтерінің орталықтарында осындай шағын футбол алаңы бойы көтерді. Бұл төртінші футбаол алаңы. Енді алдағы уақытта Қараөзен ауылдық округінің орталығында да осындай футбол алаңы жасақталмақ. Мықты спортшылардың көбі ауылдан шығады. Осы футбол алаңынан елге, әлемге белгілі азаматтар тәрбиеленіп шықсын, — деді аудан басшысы. Заман талабына сай шағын спорт алаңын салған мердігерге ауыл тұрғындарының алғысы шексіз. Зейнеткер Серік Әжкенов тұрғындар атынан ыстық ықыласын жеткізіп, ақ батасын берді. Елге тарту етілген спорт алаңын жақсы күйде ұстау ауылдықтардың міндеті екенін айтты. Салтанатты шара соңында жаңа футбол алаңының лентасын аудан әкімі Абат Шыныбеков пен ардагер спортшы, еркін күрестен республиканың, облыстың бірнеше дүркін жеңімпазы Қайырлы Жиенбаев қиды, шашу шашылды. Футбол алаңының ашылған сәтінен соң жасөспірімдер ойын бастауға дайын болды. Жаңа футбол алаңындағы алғашқы ойынға доп қосу құрметіне аудан әкімі Абат Абайұлы ие болды.

Тұрарбек АҚМУРЗИН


ЖҮЛДЕЛІ ОРЫНДАРДЫ ИЕЛЕНДІ

Күні: , 60 рет оқылды

1-2 шілде күндері Орал қаласында қол күресінен мүмкіндігі шектеулі спортшылар арасында Астананың 20 жылдығына арналған Батыс Қазақстан облысы әкімінің Кубогі үшін жарыс өтті. Бұл жарысқа біздің ауданымыздан да спортшылар қатысты. Нәтижесінде 61 келі салмақ дәрежесінде Алтынбек Шаханов ,79 келі салмақта Жақсылық Алмурзин ,90 келі салмақта Талғат Ажниязовтар бірінші орын тұғырынан көрініп, 71 келі салмақ дәрежесінде Асхат Жұмалиев пен 78 келі салмақ дәрежесінде Гүлмира Алмұрзин екінші орындарды иеленді. Спортшыларымыз жеңіс тұғырынан көріне берсін! – деген лебізімізді жеткізгіміз келеді.

Гүлнұр ҚАЗБЕК


Қазталов ауданы, Шарафутдинов көшесі 13
zhaik_presscenter@mail.ru
aulainasi@mail.ru

"Ауыл айнасы"

"Ауыл айнасы" газетінің бас редакторы: 8-71144-31-4-68
Тілшілер: 31-4-68, 21-3-70
Жарнама бөлімі: 21-0-42

 

.